"Rusiya Ukraynaya genişmiqyaslı müdaxilə zamanı qarşıya qoyduğu məqsədlərə nail ola bilməyəcək".
Demokrat.az UNİAN-a istinadən bildirir ki, bu barədə ABŞ Prezidenti Co Bayden Ukraynanın Rusiya təcavüzündən müdafiəsi ilə bağlı yeni çıxışı zamanı deyib:
"Rusiya çıxılmaz vəziyyətdədir. Onlar anlayırlar ki, məqsədlərinə çata bilməyəcəklər. Məncə, bu, uğursuzluğun təzahürüdür. Uğursuzluqları üçün bəhanə axtarırlar”, - deyə Bayden bildirib.
Kremlin təbliğatçıları dəfələrlə Rusiya Federasiyasının NATO ilə mübarizə apardığını iddia ediblər.Oxşar bəyanatı Rusiyanın xarici işlər naziri Sergey Lavrov da verib:
“NATO faktiki olaraq Rusiya ilə vasitəçilər vasitəsilə müharibə aparır və bu vasitəçiləri silahlandırır”.
Leyla Demokrat.az
