"Bakıda "Formula 1" yarışlarının keçirilməsi Azərbaycanın "G20" ölkələri ilə eyni səviyyədə olduğunu göstərir. Bu gün Azərbaycan bütün sahələrdə əldə etdiyi böyük uğurlar baxımdan "G20" dövlətlərindən heç də geri qalmır".
Bu fikirləri Demokrat.az-a açıqlamasında Milli Məclisin deputatı, professor Ağacan Abıyev bildirib.
Deputat deyib ki, "Formula 1" yarışlarına yalnız "G20" dövlətləri ev sahibliyə edə bilir:
"Çünki həmin dövlətlər də Azərbaycan kimi inkişaf edir. Hesab edirəm ki, "Formula 1" yarışlarının Bakıda keçirilməsi Azərbaycanın inkişafını dünyada tanıdır. Bu yarışların Bakıda keçirilməsi ilk növbədə Azərbaycana gələn turistlərin sayını artıracaq. Əgər ölkəyə turist gəlirsə, bu Azərbaycanın tanınması və ölkəmizə valyuta axını deməkdir. Bizə turistin gəlməsi vacib məsələdir. Çünki biz Azərbaycanı dünyaya tanıtmaq istəyirik. Şübhəsiz ki, "Formula 1" yarışlarının Bakıda keçirilməsi Azərbaycanı dünyada tanıdır, ölkəmiozin inkişafını dünyaya göstərir. Bu gün Azərbaycan heç bir sahədə dünyanın böyük dövlətlərindən geri qalmır".
Deputat qeyd edib ki, hər bir ölkənin inkişafı onun əhalisinin məşğulluğu ilə seçilir:
"Əgər bir ölkədə insanlar işləyib yaradırlarsa, deməli həmin ölkə imnkişaf edir. Hesab edirəm ki, bu gün bizim dünyaya nümunə kimi göstərməyə hər şeyimiz var. Bura idmandan tutmuş uğurlu siyasətə qədər sahələr daxildir.
"Formula 1" dünyada ən çox populyar olan bahalı idman növlərindən biridir. Ona görə də bu yarışın Bakıda keçirilməsi Azərbaycanın inkişaf etməsindən, onun zəngin tarixinin və mədəniyyətinin dünyaya tanıdılmasından xəbər verir".
Zaur Hacılı
Demokrat.az
