Azərbaycan-Rusiya sərhədi bu tarixədək bağlı qalacaq


HADİSƏ 18 dek 2020, 19:21
Rusiya və Azərbaycanda koronavirusa yoluxanların sayının kəskin artması və ölkəmizdə sərt karantin tədbirlərinin tətbiqi ilə əlaqədar Rusiya Federasiyası (Dağıstan Respublikası) ilə Azərbaycan Respublikası arasında quru dövlət sərhədi vətəndaşların keçidi üçün 2021-ci ilin 1 mart tarixinədək bağlı olacaq.

Demokrat.az bildirir ki, bu barədə APA-nın Moskva müxbirinə Azərbaycanın Rusiyadakı Səfirliyindən məlumat verilib.

Bildirilib ki, qış fəslini, əlverişsiz hava şəraitini, infrastrukturun və məişət şəraitinin olmamasını nəzərə alaraq, həmçinin ciddi problemlərlə üzləşməmək üçün Səfirlik Azərbaycan Respublikası vətəndaşlarından sərhədi keçmək məqsədi ilə Dağıstana getməkdən çəkinməyi təkidlə xahiş edir.


DİGƏR XƏBƏRLƏR

XƏBƏR LENTİ
Top