Əmiləri ilə çiyin-çiyinə vuruşan qazimiz — VİDEO


GÜNDƏM 17 dek 2020, 13:55
Quba rayonunun Afurca kəndindən hərbi xidmətə yollanan Şamo Xəlilovun xidməti Vətən müharibəsinə təsadüf edib.  

Baku TV xəbər verir ki, kiçik yaşlarından daim “torpaqlarımızı düşməndən azad edəcəyəm” deyən Ş.Xəlilov elə ilk gündən döyüşlərə qatılıb və düşmənə qarşı əzmlə vuruşub. 

19 yaşlı qəhrəmanımız Tərtər rayonunun Qapanlı kəndində gedən döyüşlərdə hər iki ayağından qəlpə yarası alıb. Buna baxmayaraq o, silahı əlindən yerə qoymayıb, huşunu itirənədək vuruşub, üç gün komada olub. 

Hər kəs kimi Xəlilovlar ailəsi də onunla qürur duyur. 

Qazimizin atası deyir ki, oğlu döyüşlərdə iştirak etdiyini onlardan gizlədib. Yaralı olmasından belə onların xəbəri olmayıb. Bu gün oğlu ilə qürur duyan ata ikiqat sevinc hissi yaşayır. Çünki onun oğlu ilə yanaşı iki qardaşı da Vətən müharibəmizdə çiyin-çiyinə düşmənə qarşı mübarizə aparıb. 

Hazırda Ş.Xəlilovun ayağında dörd ədəd qəlpə hələ də qalmaqdadır. İndi onun ən böyük arzusu tezliklə sağalıb hərbi xidmətini davam etdirməkdir.



Demokrat.az


DİGƏR XƏBƏRLƏR

XƏBƏR LENTİ
Top