Şimali Kipr Türk Cümhuriyyəti Prezidenti Ərsin Tatar Azərbaycana gələcək.
Demokrat.az xəbər verir ki, bu barədə Şimali Kiprə səfər edən Türkiyə Prezidenti Rəcəb Tayyib Ərdoğan açıqlama verib.
“Azərbaycanda baş verənləri gördünüz, izlədiniz, sonda həmd olsun ki, Azərbaycan 28 ildir Ermənistan işğalında olan torpaqlarını 44 gündə azad etdi. İndi yavaş-yavaş torpaqlarına qayıtmağa başlayırlar.
Buradan, qardaş Şimali Kiprdən azərbaycanlı qardaşlarıma salam göndərirəm. İnşallah, ən yaxın vaxtda hörmətli prezidentimiz (Ərsin Tatar) Azərbaycana səfər etməklə, atılan addımları daha fərqli bir duruma gətirəcək. Biz bir ürək, bir bilək olduğumuz vaxta qədər öhdəsindən gələ bilməyəcəyimiz çətinlik, aşa bilməyəcəyimiz əngəllər qalmayacaq”, – Ərdoğan bildirib.
