Gündəm mövzusu ilə bağlı media eksperti Turan İbrahimov danışıb.
O bildirib ki, cəbhə xəttində baş verən son nəticə birmənalı şəkildə qələbədir:
“Bu Azərbaycan diplomatiyasının, iqtisadiyyatının, ordusunun, ali baş komandanımızın qələbəsidir. Uzun illər hər şey bu son nəticə üçün hesablanıb. Atılan addımlar, görülən işlər, strateji məqədlər üçün həyata keçirilirdi. İndi o məqsədlər öz təsdiqini tapdı. Artıq Azərbaycan orudusu sözünü dedi, indi isə Azərbaycan diplomatiyasının, siyasətinin rol oynayacağı mərhələdəyik. Bu da bizim istədiyimizdən, xəyal etdiyimizdən daha yaxşı olacaq. İndiyə qədər atılan bütün addımlar bugünkü qələbə günü üçün hesablanıb. Bundan sonra yalnız siyasi proses başlayır. Bu siyasi proses də eyni strategiya üzrə aparılır. Biz öz dövlət başçımıza inanırıq. İnanırıq ki, siyasi prosesin nəticəsində vəziyyət xəyal etdiyimizdən də möhtəşəm olacaq. Buradan hər kəsə səslənirəm: Xəyal belə edə bilmədiyiniz qələbənin dadını çıxarın”. (Moderator)