“Microsoft” şirkətinin qurucusu Bill Qeytsin atası Uilyam Henri Qeyts ABŞ-da 94 yaşında vəfat edib.
Demokrat.az xəbər verir ki, o, 14 sentyabrda ABŞ-ın Vaşington ştatındakı çimərlik evində altsheymer xəstəliyindən dünyasını dəyişib.
“Dünən atam evdə ailəsinin əhatəsində dinc şəkildə öldü. Onu indi ifadə edə biləcəyimizdən çox darıxacağıq. Kədər hissi keçiririk, həm də minnətdarlığımızı hiss edirik. Atamın ölümü gözlənilməz deyildi, 94 yaşındaydı və səhhəti pisləşirdi, ona görə də illərdir həyatımızda belə ecazkar bir insana sahib olduğumuz üçün nə qədər şanslı olduğumuzu düşünməyə vaxt tapdıq”. Bill Qeyts öz bloqunda belə yazıb.
Uilyam Henri Qeyts II Amerikalı vəkil və xeyriyyəçidir. “Bütün həyatı boyu düşünərkən: Həyat hədiyyələri haqqında düşüncələr” kitabının müəllifidir.(konkret.az)
