Şəmkir rayonunda 34 yaşlı kişi həyat yoldaşının bacısına xəsarət yetirib.
Demokrat.az-ın əldə etdiyi xəbərə görə, hadisə rayonun kəndlərindən birində baş verib. Kənd sakini, 1991-ci il təvəllüdlü Əfqan şəxsi münasibətlər zəminində yaranan mübahisə zamanı baldızı Əfsanə ilə mübahisə edib.
Yeznə-baldız arasında yaranan mübahisə dava-dalaşla nəticələnib. Bu zaman Əfqan baldızını vuraraq ona müxtəlif dərəcəli bədən xəsarətləri yetirib.
Onun barəsində Cinayət Məcəlləsinin 128-ci (qəsdən sağlamlığa zərər vurma) maddəsi ilə ittiham elan edilib.
İş üzrə izahat verən təqsirləndirilən şəxs ona elan olunmuş ittiham üzrə özünü təqsirli bilib. O, ifadəsində göstərib ki, barəsində şikayət edən zərərçəkmiş şəxs onun baldızıdır: “Bizim normal münasibətimiz olub. Bu ilin martın 21-də şam edən zaman spirtli içki qəbul etdim, sərxoş oldum. Saat 19:30 radələrində Şəmkir rayonunun kəndində yerləşən evimə getdim. Evə gələn zaman arvadım Xatirə mənə spirtli içki qəbul etməyimə görə irad bildirdi. Bu səbəbdən aramızda sözlə mübahisə baş verdi. Saat 20 radələrində baldızım Əfsanə yaşadığım evə gəldi və mənə spirtli içki qəbul edərək arvadım ilə mübahisə etməyimə görə irad bildirən zaman aramızda mübahisə baş verdi. Həmin vaxt sərxoş olduğum üçün etdiyim hərəkətləri xatırlamıram. Sərxoş olduğumdan yatdım. Sonradan arvadım ilə qayınanam Nəsibə mənim Əfsanəni döyməyimi dedi”.
Təqsirləndirilən şəxs qeyd edib ki, martın 23-də sərxoş vəziyyətdə baldızı Əfsanə ilə qayınanası Nəsibənin birgə yaşadığı evə gedib: “Onlara arvadımın mağazadan aldığı ərzaqların pulunu onların verməsini dedim. Əfsanə mənə “pul verəsi deyiləm, sən mənim burnuma xəsarət yetiribsən” dedi. Əfsanəyə dedim ki, səni qardaş kimi vurmuşam. Mübahisə olmaması üçün yaşadığım evə getdim. Sonradan baldızımın məndən şikayət etməsini bildim”.
İş üzrə zərərçəkmiş Əfsanənin sözlərinə görə, onun bacısını əri Əfqanla normal münasibəti yoxdur: “Buna səbəb Əfqan spirtli içki qəbul edən zaman yaşadığım evə gələrək mənimlə mübahisə etməsidir. Martın 21-də, axşam tərəfi yaşadığı evdə olan zaman bacım Xatirə zəng etdi və Əfqanın sərxoş vəziyyətdə evdə münaqişə yaratmasını dedi. Mən hər hansı bir mübahisə olmaması üçün saat 20 radələrində bacım evinə getdim. Evə daxil olan zaman Əfqana mübahisə etdiyi üçün iradımı bildirdim. Həmin vaxt mənə təhqiredici sözlər işlətdi və “sən kimsən ki, mənim ailəmə qarışırsan” dedi. Mənimlə mübahisə etməyə başladı. Mübahisə zamanı Əfqan bir dəfə yumruqla sifətimə vurdu. Nəticədə burun, sol göz nahiyyəmdən xəsarət aldım. Əfqanı bacım Xatirə sakitləşdirərək araladı. Bizim səsimizə gələn anam sifətimin qan olmasını gördü, mənə köməklik etdi. Anam nə baş verməsini soruşdu. Ona Əfqan tərəfindən döyülməyimi dedim. Anam məni yaşadığım evə apardı. Lakin şikayət etmədim”.
Zərərçəkmiş qeyd edib ki, martın 23-də axşam tərəfi Əfqan sərxoş vəziyyətdə evə gəlib və anası Nəsibəni nalayiq sözlərlə təhqir edib: “Dedi ki, sizin nəsildə bir kişi yoxdur, mənim qarşıma çıxsın. Mən hər hansı bir mübahisə olmaması üçün bu barədə Daxili İşlər Nazirliyinin 102 qaynar xəttinə məlumat verdim. Sonra döyülməm ilə əlaqədar polisə ərizə ilə müraciət etdim. Lakin hadisədən sonra təqsirləndirilən şəxs ilə barışmışam. Ona qarşı şikayətim yoxdur”.
Bu cinayət işinə Şəmkir Rayon Məhkəməsində baxılıb. Məhkəmə təqsirləndirilən şəxsin zərərçəkmişlə maşınıasını, zərərkənin şikayətini geri götürməsinin nəzərə alıb.
Bu səbəbdən təqsirləndirilən şəxsin barəsində olan cinayət təqibinə xitam verilib. O, cinayət məsuliyyətindən azad edilib.
Fariz Məlikli
Demokrat.az
Demokrat.az-ın əldə etdiyi xəbərə görə, hadisə rayonun kəndlərindən birində baş verib. Kənd sakini, 1991-ci il təvəllüdlü Əfqan şəxsi münasibətlər zəminində yaranan mübahisə zamanı baldızı Əfsanə ilə mübahisə edib.
Yeznə-baldız arasında yaranan mübahisə dava-dalaşla nəticələnib. Bu zaman Əfqan baldızını vuraraq ona müxtəlif dərəcəli bədən xəsarətləri yetirib.
Onun barəsində Cinayət Məcəlləsinin 128-ci (qəsdən sağlamlığa zərər vurma) maddəsi ilə ittiham elan edilib.
İş üzrə izahat verən təqsirləndirilən şəxs ona elan olunmuş ittiham üzrə özünü təqsirli bilib. O, ifadəsində göstərib ki, barəsində şikayət edən zərərçəkmiş şəxs onun baldızıdır: “Bizim normal münasibətimiz olub. Bu ilin martın 21-də şam edən zaman spirtli içki qəbul etdim, sərxoş oldum. Saat 19:30 radələrində Şəmkir rayonunun kəndində yerləşən evimə getdim. Evə gələn zaman arvadım Xatirə mənə spirtli içki qəbul etməyimə görə irad bildirdi. Bu səbəbdən aramızda sözlə mübahisə baş verdi. Saat 20 radələrində baldızım Əfsanə yaşadığım evə gəldi və mənə spirtli içki qəbul edərək arvadım ilə mübahisə etməyimə görə irad bildirən zaman aramızda mübahisə baş verdi. Həmin vaxt sərxoş olduğum üçün etdiyim hərəkətləri xatırlamıram. Sərxoş olduğumdan yatdım. Sonradan arvadım ilə qayınanam Nəsibə mənim Əfsanəni döyməyimi dedi”.
Təqsirləndirilən şəxs qeyd edib ki, martın 23-də sərxoş vəziyyətdə baldızı Əfsanə ilə qayınanası Nəsibənin birgə yaşadığı evə gedib: “Onlara arvadımın mağazadan aldığı ərzaqların pulunu onların verməsini dedim. Əfsanə mənə “pul verəsi deyiləm, sən mənim burnuma xəsarət yetiribsən” dedi. Əfsanəyə dedim ki, səni qardaş kimi vurmuşam. Mübahisə olmaması üçün yaşadığım evə getdim. Sonradan baldızımın məndən şikayət etməsini bildim”.
İş üzrə zərərçəkmiş Əfsanənin sözlərinə görə, onun bacısını əri Əfqanla normal münasibəti yoxdur: “Buna səbəb Əfqan spirtli içki qəbul edən zaman yaşadığım evə gələrək mənimlə mübahisə etməsidir. Martın 21-də, axşam tərəfi yaşadığı evdə olan zaman bacım Xatirə zəng etdi və Əfqanın sərxoş vəziyyətdə evdə münaqişə yaratmasını dedi. Mən hər hansı bir mübahisə olmaması üçün saat 20 radələrində bacım evinə getdim. Evə daxil olan zaman Əfqana mübahisə etdiyi üçün iradımı bildirdim. Həmin vaxt mənə təhqiredici sözlər işlətdi və “sən kimsən ki, mənim ailəmə qarışırsan” dedi. Mənimlə mübahisə etməyə başladı. Mübahisə zamanı Əfqan bir dəfə yumruqla sifətimə vurdu. Nəticədə burun, sol göz nahiyyəmdən xəsarət aldım. Əfqanı bacım Xatirə sakitləşdirərək araladı. Bizim səsimizə gələn anam sifətimin qan olmasını gördü, mənə köməklik etdi. Anam nə baş verməsini soruşdu. Ona Əfqan tərəfindən döyülməyimi dedim. Anam məni yaşadığım evə apardı. Lakin şikayət etmədim”.
Zərərçəkmiş qeyd edib ki, martın 23-də axşam tərəfi Əfqan sərxoş vəziyyətdə evə gəlib və anası Nəsibəni nalayiq sözlərlə təhqir edib: “Dedi ki, sizin nəsildə bir kişi yoxdur, mənim qarşıma çıxsın. Mən hər hansı bir mübahisə olmaması üçün bu barədə Daxili İşlər Nazirliyinin 102 qaynar xəttinə məlumat verdim. Sonra döyülməm ilə əlaqədar polisə ərizə ilə müraciət etdim. Lakin hadisədən sonra təqsirləndirilən şəxs ilə barışmışam. Ona qarşı şikayətim yoxdur”.
Bu cinayət işinə Şəmkir Rayon Məhkəməsində baxılıb. Məhkəmə təqsirləndirilən şəxsin zərərçəkmişlə maşınıasını, zərərkənin şikayətini geri götürməsinin nəzərə alıb.
Bu səbəbdən təqsirləndirilən şəxsin barəsində olan cinayət təqibinə xitam verilib. O, cinayət məsuliyyətindən azad edilib.
Fariz Məlikli
Demokrat.az
