"Paşinyanın 9 noyabr (bizim 10 noyabr adlandırdığımız) anlaşmanın qüvvədən düşməsi barədə açıqlaması birbaşa Zəngəzur dəhlizi ilə bağlıdır. Çünki ABŞ-da Zəngəzur dəhlizinin açılması ilə bağlı sənəd imzalanıb və bu dəhliz 99 illik müddətə ABŞ şirkətinə icarəyə veriləcək. Buna görə də Paşinyan 10 noyabr anlaşmasının qüvvədən düşdüyünü bəyan edir. Həmin anlaşmanın 9-cu bəndində Mehridən keçəcək nəqliyyat-kommunikasiya marşrutunun Rusiya sərhədçilərinin nəzarəti altında olacağı göstərilirdi".
Bu sözləri Demokrat.az-a açıqlamasında politoloq Elçin Xalidbəyli deyib.
O bildirib ki, bir müddət əvvəl Rusiyanın Xarici İşlər Nazirliyi də açıqlama verərək bildirmişdi ki, Zəngəzur dəhlizi açılarkən Rusiyanın maraqları mütləq nəzərə alınmalıdır:
"Nazirlik həmçinin qeyd etmişdi ki, üçtərəfli anlaşma hələ də qüvvədədir və tərəflər ondan imtina etməyiblər. Buna görə də Rusiya mövqeyini əsaslandıraraq maraqlarının nəzərə alınmasını tələb edirdi.
Paşinyanın son açıqlaması isə məhz bu mövqeyə cavab xarakteri daşıyır. O, bildirir ki, 10 noyabr anlaşması artıq qüvvədən düşüb, Zəngəzur dəhlizində Rusiyanın maraqları nəzərə alınmayacaq, dəhliz Rusiya sərhədçilərinin nəzarətində olmayacaq və ABŞ-a icarəyə veriləcək".
Politoloq deyib ki, bu, faktiki olaraq Rusiyanın Zəngəzurdan kənarlaşdırılması və Moskvanın bölgə ilə bağlı təsir imkanlarının məhdudlaşdırılması deməkdir:
"Paşinyan hakimiyyəti Rusiyaya açıq mesaj verir ki, Zəngəzur dəhlizi Moskva üçün əlçatmazdır və bundan sonra Rusiya bu istiqamətdə heç bir hüquqi sənədə əsaslanaraq iddia irəli sürə bilməyəcək:
Bu addım, Paşinyan hakimiyyətinin Rusiyaya vurduğu növbəti siyasi zərbədir. Rusiyanın buna hansı formada cavab verəcəyi isə yaxın vaxtlarda özünü göstərəcək".
Əfsanə Kamal
Demokrat.az
Bu sözləri Demokrat.az-a açıqlamasında politoloq Elçin Xalidbəyli deyib.
O bildirib ki, bir müddət əvvəl Rusiyanın Xarici İşlər Nazirliyi də açıqlama verərək bildirmişdi ki, Zəngəzur dəhlizi açılarkən Rusiyanın maraqları mütləq nəzərə alınmalıdır:
"Nazirlik həmçinin qeyd etmişdi ki, üçtərəfli anlaşma hələ də qüvvədədir və tərəflər ondan imtina etməyiblər. Buna görə də Rusiya mövqeyini əsaslandıraraq maraqlarının nəzərə alınmasını tələb edirdi.
Paşinyanın son açıqlaması isə məhz bu mövqeyə cavab xarakteri daşıyır. O, bildirir ki, 10 noyabr anlaşması artıq qüvvədən düşüb, Zəngəzur dəhlizində Rusiyanın maraqları nəzərə alınmayacaq, dəhliz Rusiya sərhədçilərinin nəzarətində olmayacaq və ABŞ-a icarəyə veriləcək".
Politoloq deyib ki, bu, faktiki olaraq Rusiyanın Zəngəzurdan kənarlaşdırılması və Moskvanın bölgə ilə bağlı təsir imkanlarının məhdudlaşdırılması deməkdir:
"Paşinyan hakimiyyəti Rusiyaya açıq mesaj verir ki, Zəngəzur dəhlizi Moskva üçün əlçatmazdır və bundan sonra Rusiya bu istiqamətdə heç bir hüquqi sənədə əsaslanaraq iddia irəli sürə bilməyəcək:
Bu addım, Paşinyan hakimiyyətinin Rusiyaya vurduğu növbəti siyasi zərbədir. Rusiyanın buna hansı formada cavab verəcəyi isə yaxın vaxtlarda özünü göstərəcək".
Əfsanə Kamal
Demokrat.az
