“Prezidentin İslam dünyasında Azərbaycanın nüfuzunun artması, ölkəmizin rolunun böyüməsi ilə bağlı fikirləri olduqca önəmlidir. Xüsusilə, Azərbaycandakı dini dözümlülük və tolerantlıq mühiti vurğulanıb. Müsəlman dünyasında baş verən qarşıdurmalar və təlatümlər fonunda xalqımızın nümayiş etdirdiyi vəhdət nümunəvi hal kimi qiymətləndirildi”.
Bunu ilahiyyatçı Ağa Hacıbəyli Demokrat.az-a açıqlamasında deyib.
O qeyd edib ki, bu birliyin bir neçə əsas səbəbi var:
“Həm dövlət siyasətindəki balans, həm də cəmiyyətin mədəni səviyyəsi imkan verir ki, xalqımız öz kökünə və gələcəyinə daha inamla yanaşsın. Xüsusilə dini təhsilin düzgün istiqamətdə aparılması, ilahiyyat fakültələri və dini universitetlərdə yetişən gənclərin bu sahədə vəhdətə xidmət etməsi bu uğurun əsas sütunlarındandır. Bugünkü minbərdə çıxış edən gənclərin əksəriyyəti artıq milli ruhda, ana dilimizdə təhsil almış, xalqın dəyərlərinə bağlı şəxslərdir. Onların verdiyi dərslər, söylədikləri xütbələr insanlar arasında daha dərin anlaşma və birlik yaradır. Bu istiqamətdə illər əvvəl başlanmış işlərin bu gün real nəticəsini görmək sevindiricidir. Digər tərəfdən, cəmiyyətin müxtəlif təbəqələrində yazıçılardan tutmuş din xadimlərinədək bu vəhdətin qorunması və təşviqi istiqamətində fəaliyyət göstərən kifayət qədər dəyərli insanlarımız var”.
İlahiyyatçı əlavə edib ki, dövlətin dəstəyi ilə bu cür fəaliyyətlər cəmiyyət tərəfindən dəstəklənir:
“Bu birlik, şübhəsiz ki, Qarabağ zəfərində də özünü göstərdi. O dövrdə heç kim kiminsə hansı məzhəbdən olduğunu soruşmurdu,xalq bir yumruq kimi birləşmişdi. Bu vəhdət ruhunu indi də qoruyub saxlamalıyıq. Unutmayaq ki, tolerantlıq və dini dözümlülük təkcə müsəlmanlar arasında deyil, ölkəmizdə yaşayan digər dini icmalar üçün də əsas prinsipdir. Azərbaycanda sinaqoqlardan kilsələrə qədər müxtəlif ibadət yerləri var və onlara hörmətlə yanaşılır. Bu isə dünyada az rast gəlinən bir təcrübədir. Prezidentin bu məsələyə verdiyi önəm və çıxışları, milyonlarla insanın qəlbinə toxundu. Bu dəyəri qorumaq hər birimizin vətəndaşlıq borcudur. Gənc nəslin formalaşmasında, onların düzgün maarifləndirilməsində xüsusilə yerli dini xadimlərin bilikli və vətənpərvər olması çox vacibdir. Çünki gənclərin beyni ağ səhifə kimidir ora nə yazılsa, silinməsi çətin olur”.
Leyla Turan
Demokrat.az
Bunu ilahiyyatçı Ağa Hacıbəyli Demokrat.az-a açıqlamasında deyib.
O qeyd edib ki, bu birliyin bir neçə əsas səbəbi var:
“Həm dövlət siyasətindəki balans, həm də cəmiyyətin mədəni səviyyəsi imkan verir ki, xalqımız öz kökünə və gələcəyinə daha inamla yanaşsın. Xüsusilə dini təhsilin düzgün istiqamətdə aparılması, ilahiyyat fakültələri və dini universitetlərdə yetişən gənclərin bu sahədə vəhdətə xidmət etməsi bu uğurun əsas sütunlarındandır. Bugünkü minbərdə çıxış edən gənclərin əksəriyyəti artıq milli ruhda, ana dilimizdə təhsil almış, xalqın dəyərlərinə bağlı şəxslərdir. Onların verdiyi dərslər, söylədikləri xütbələr insanlar arasında daha dərin anlaşma və birlik yaradır. Bu istiqamətdə illər əvvəl başlanmış işlərin bu gün real nəticəsini görmək sevindiricidir. Digər tərəfdən, cəmiyyətin müxtəlif təbəqələrində yazıçılardan tutmuş din xadimlərinədək bu vəhdətin qorunması və təşviqi istiqamətində fəaliyyət göstərən kifayət qədər dəyərli insanlarımız var”.
İlahiyyatçı əlavə edib ki, dövlətin dəstəyi ilə bu cür fəaliyyətlər cəmiyyət tərəfindən dəstəklənir:
“Bu birlik, şübhəsiz ki, Qarabağ zəfərində də özünü göstərdi. O dövrdə heç kim kiminsə hansı məzhəbdən olduğunu soruşmurdu,xalq bir yumruq kimi birləşmişdi. Bu vəhdət ruhunu indi də qoruyub saxlamalıyıq. Unutmayaq ki, tolerantlıq və dini dözümlülük təkcə müsəlmanlar arasında deyil, ölkəmizdə yaşayan digər dini icmalar üçün də əsas prinsipdir. Azərbaycanda sinaqoqlardan kilsələrə qədər müxtəlif ibadət yerləri var və onlara hörmətlə yanaşılır. Bu isə dünyada az rast gəlinən bir təcrübədir. Prezidentin bu məsələyə verdiyi önəm və çıxışları, milyonlarla insanın qəlbinə toxundu. Bu dəyəri qorumaq hər birimizin vətəndaşlıq borcudur. Gənc nəslin formalaşmasında, onların düzgün maarifləndirilməsində xüsusilə yerli dini xadimlərin bilikli və vətənpərvər olması çox vacibdir. Çünki gənclərin beyni ağ səhifə kimidir ora nə yazılsa, silinməsi çətin olur”.
Leyla Turan
Demokrat.az
