Goranboyda ağır qəzada ölən və xəsarət alanların kimliyi məlum olub.
Bizim.Media-nın yerli bürosunun məlumatına görə, hadisə zamanı Daşkəsən rayonunun Bayan kəndində qeydiyyatda olan 1958-ci il təvəllüdlü Nəsibə Nağıyevanın idarə etdiyi “Hyundai” markalı, 77 HD 580 dövlət nömrə nişanlı avtomaşın yoldan çıxaraq aşıb.
Qəza zamanı sürücü və nəvəsi 2018-ci il təvəllüdlü F.Məmmədli hadisə yerində dünyasını dəyişib.
Sürücünün digər nəvələri - 2016-cı il təvəllüdlü Ə.Məmmədli və 2021-ci il təvəllüdlü A.Məmmədli müxtəlif dərəcəli bədən xəsarətləri ilə Yevlax rayon xəstəxanasına çatdırılıb.
Sürücünün qızı, 1990-cı il təvəllüdlü Ayşən Məmmədlinin yüngül xəsarət aldığı bildirilir.
Faktla bağlı araşdırma aparılır.
