Bakının Sabunçu rayonunda ər-arvad arasında yaranan mübahisə cinayətlə nəticələnib.
Demokrat.az-ın əldə etdiyi xəbərə görə, hadisə bu ilin fevralın 7-də baş verib. Bakı şəhər sakini, 1975-ci il təvəllüdlü Əfsən həmin gün, gecə saat 00:30-da yaşadıqları evdə arvadı Səlimə (adlar şərtidir – red.) ilə ailə-məişət zəminində mübahisə edib.
Əfsən aralarında yaranmış mübahisə zamanı qəsdən əli ilə arvadının sifət və baş nahiyəsinə zərbələr vurub, ona müxtəlif dərəcəli bədən xəsarətləri yetirib.
Hadisəni törədən Əfsənin barəsində Cinayət Məcəlləsinin 128-ci (qəsdən sağlamlığa zərər vurma) maddəsi ilə ittiham elan edilib.
Cinayət işi üzrə təqsirləndirilən şəxs qismində ifadə verən Əfsən ona elan olunmuş ittiham üzrə özünü təqsirli bilib.
O, ifadəsində göstərib ki, təxminən 2005-ci ildə Səlimə ilə rəsmi ailə həyatı qurub və bu nikahdan iki övladı var:
“Ailə həyatı qurduğum vaxtdan Səlimə ilə mütəmadi aramızda mübahisə baş verib. Oğlum Kamal hərbi xidmətdə qulluq edir və qızım Günay isə Səlimə ilə birlikdə yaşayır, lakin ailə həyatı qurmağa hazırlaşıb. Bununla əlaqədar Səlimənin yaşadığı ünvana gəldim və Günay ilə ailə həyatı qurmaq istəyən şəxs haqqında məlumat aldıqdan sonra həmin ünvana getdim, tanışlıq oldu”.
Təqsirləndirilən şəxs qeyd edib ki, iyunun 7-də, saat 00:30-da Səlimənin yaşadığı ünvana gedib:
“Səlimə mənim spirtli içki təsiri altında olduğumu bəhanə gətirərək mübahisə etməyə başladı. Mübahisə zamanı ünvanıma nalayiq ifadələr işlətdiyi üçün əsəbiləşərək Səlimənin sifət və baş nahiyəsinə əlim ilə zərbələr vurdum. Sonra saçından tutaraq yoldum. Səlimə mübahisə zamanı küçəyə qaçdıqdan sonra həmin ünvandan getdim”.
İş üzrə zərərçəkmiş qismində ifadə verən Səlimənin sözlərinə görə, ailə həyatı qurduğu vaxtdan Əfsən mütəmadi olaraq spirtli içki qəbul edib və aralarında mübahisə baş verib:
“Oğlum Kamal hərbi xidmətdə qulluq edir və qızım Günay isə mənimlə birlikdə yaşayıb. Lakin ailə həyatı qurmağa hazırlaşıb. Bununla əlaqədar Əfsən xəbər bildiyi zaman yaşadığım evə gəldi və Günay ilə ailə həyatı qurmaq istəyən şəxs haqqında məlumat aldıqdan sonra tanış olmaq məqsədi ilə getdi”.
Səlimə qeyd edib ki, daha sonra qızı istədiyi oğluna qoşularaq qaçıb:
“Mən Günayın təhsilini yarımçıq qoymasına, bu şəkildə ailə qurmasına razı olmadım. Qızımın arxasınca getdim, onu evə gətirməyə çalışdım. İyunun 7-də, saat 00:30-da Əfsən yaşadığım evə gəldi. Mən elə bildim ki, qızım Günayı gətirib. Spirtli içki təsiri altında olduğunu hiss etdim. Əfsən heç bir səbəb bildirmədən mübahisə etməyə başladı. Mübahisə zamanı Əfsən sifət və baş nahiyəmə əli ilə zərbələr vurmağa və sonra saçımı yolmağa başladı. Mən evdən küçəyə qaçdım və Əfsən evdən getdikdən sonra yaşadığım evə qayıtdım”.
Bu cinayət işinə Sabunçu Rayon Məhkəməsində baxılıb.
Məhkəmə təqsirləndirilən şəxsin zərərçəkmişlə barışmasını, zərərçəkmiş şəxsin şikayətçi olmaması nəzərə alınıb.
Bu səbəbdən Əfsənin barəsində olan cinayət təqibinə xitam verilib.
O, cinayət məsuliyyətindən azad edilib.
Fariz Məlikli
Demokrat.az
Demokrat.az-ın əldə etdiyi xəbərə görə, hadisə bu ilin fevralın 7-də baş verib. Bakı şəhər sakini, 1975-ci il təvəllüdlü Əfsən həmin gün, gecə saat 00:30-da yaşadıqları evdə arvadı Səlimə (adlar şərtidir – red.) ilə ailə-məişət zəminində mübahisə edib.
Əfsən aralarında yaranmış mübahisə zamanı qəsdən əli ilə arvadının sifət və baş nahiyəsinə zərbələr vurub, ona müxtəlif dərəcəli bədən xəsarətləri yetirib.
Hadisəni törədən Əfsənin barəsində Cinayət Məcəlləsinin 128-ci (qəsdən sağlamlığa zərər vurma) maddəsi ilə ittiham elan edilib.
Cinayət işi üzrə təqsirləndirilən şəxs qismində ifadə verən Əfsən ona elan olunmuş ittiham üzrə özünü təqsirli bilib.
O, ifadəsində göstərib ki, təxminən 2005-ci ildə Səlimə ilə rəsmi ailə həyatı qurub və bu nikahdan iki övladı var:
“Ailə həyatı qurduğum vaxtdan Səlimə ilə mütəmadi aramızda mübahisə baş verib. Oğlum Kamal hərbi xidmətdə qulluq edir və qızım Günay isə Səlimə ilə birlikdə yaşayır, lakin ailə həyatı qurmağa hazırlaşıb. Bununla əlaqədar Səlimənin yaşadığı ünvana gəldim və Günay ilə ailə həyatı qurmaq istəyən şəxs haqqında məlumat aldıqdan sonra həmin ünvana getdim, tanışlıq oldu”.
Təqsirləndirilən şəxs qeyd edib ki, iyunun 7-də, saat 00:30-da Səlimənin yaşadığı ünvana gedib:
“Səlimə mənim spirtli içki təsiri altında olduğumu bəhanə gətirərək mübahisə etməyə başladı. Mübahisə zamanı ünvanıma nalayiq ifadələr işlətdiyi üçün əsəbiləşərək Səlimənin sifət və baş nahiyəsinə əlim ilə zərbələr vurdum. Sonra saçından tutaraq yoldum. Səlimə mübahisə zamanı küçəyə qaçdıqdan sonra həmin ünvandan getdim”.
İş üzrə zərərçəkmiş qismində ifadə verən Səlimənin sözlərinə görə, ailə həyatı qurduğu vaxtdan Əfsən mütəmadi olaraq spirtli içki qəbul edib və aralarında mübahisə baş verib:
“Oğlum Kamal hərbi xidmətdə qulluq edir və qızım Günay isə mənimlə birlikdə yaşayıb. Lakin ailə həyatı qurmağa hazırlaşıb. Bununla əlaqədar Əfsən xəbər bildiyi zaman yaşadığım evə gəldi və Günay ilə ailə həyatı qurmaq istəyən şəxs haqqında məlumat aldıqdan sonra tanış olmaq məqsədi ilə getdi”.
Səlimə qeyd edib ki, daha sonra qızı istədiyi oğluna qoşularaq qaçıb:
“Mən Günayın təhsilini yarımçıq qoymasına, bu şəkildə ailə qurmasına razı olmadım. Qızımın arxasınca getdim, onu evə gətirməyə çalışdım. İyunun 7-də, saat 00:30-da Əfsən yaşadığım evə gəldi. Mən elə bildim ki, qızım Günayı gətirib. Spirtli içki təsiri altında olduğunu hiss etdim. Əfsən heç bir səbəb bildirmədən mübahisə etməyə başladı. Mübahisə zamanı Əfsən sifət və baş nahiyəmə əli ilə zərbələr vurmağa və sonra saçımı yolmağa başladı. Mən evdən küçəyə qaçdım və Əfsən evdən getdikdən sonra yaşadığım evə qayıtdım”.
Bu cinayət işinə Sabunçu Rayon Məhkəməsində baxılıb.
Məhkəmə təqsirləndirilən şəxsin zərərçəkmişlə barışmasını, zərərçəkmiş şəxsin şikayətçi olmaması nəzərə alınıb.
Bu səbəbdən Əfsənin barəsində olan cinayət təqibinə xitam verilib.
O, cinayət məsuliyyətindən azad edilib.
Fariz Məlikli
Demokrat.az
