"Taksi sürücülərinin bir qisminin təşkil etdiyi boykot kampaniyası bu gün baş tutmadı. Məlum olduğu kimi çoxluq kampaniyaya qoşulmadı. Bu gün taksilərin sayında azalma və kəskin bahalaşma müşahidə etmirəm".
Bu sözləri Demokrat.az-a açıqlamasında nəqliyyat eksperti Eldəniz Cəfərov deyib.
Ekspert bildirib ki, taksi sürücülərinin etdiyi tələblərin bir qismi isə mərhələli şəkildə həll oluna biləcək məsələlərdir:
"Onlar taksi dayanacaqlarının təşkil olunmasını tələb edirlər. Onsuz da həm müvəqqəti, həm də bir neçə saatlıq dayanacaqlar təşkil olunur. Sadəcə Bakı şəhərində taksi dayanacağı üçün yer təşkil etmək elə də asan iş deyil. Avtobus zolaqlarına taksilərin daxil olması ilə bağlı təkliflərimiz olsa da, nəzarət mexanizmini hazır edə bilməmişik. Zolaqların ictimai nəqliyyatın avtobus seqmenti üçün olması səbəbindən taksilərə icazə verilməsinin digər maşınlar tərəfindən sui-istifadə halları yaradıb-yaratmayacağı sualı yaranır".
Onun sözlərinə görə qiymətlər tələbata əsasən dəyişir:
"Vətəndaşlar indiki qiymətlərdən razıdırlar. Taksi sürücüləri ilə söhbətdən məlum olur ki, onların əsas istəyi maddi rifahlarının yüksəlməsi ilə bağlıdır.
Təəssüf ki, bu gün xarici taksi şirkətləri bizim sürücüləri və vətəndaşlarımızı istismar edirlər. Müxtəlif şirnikləşdirici kampaniyalar ilə insanları 14-16 saat işləməyə məcbur edirlər. Bununla Əmək Müfəttişliyi ciddi şəkildə məşğul olmalıdır. Sürücülərin qazandığı nağdsız ödənişləri şirkətlər vaxtında sürücüyə qaytarmır. Vaxtında ödəniş olunmadığı üçün sürücülər kartla ödəniş edən müştərilərdən imtina edir, sərnişinlə sürücü arasında problemlər yaranır. Bu məsələ ilə Vergi Xidməti məşğul olmalıdır.
Xarici taksi şirkətləri bizim vətəndaşlarımız olan sürücülərdən 25 faiz komissiya alırlar. Bu da olduqca böyük məbləğdir. Bu üç əsas məsələ üzərində işlər aparılsa, yaxşı olar.
Xatırladaq ki, bir neçə gün öncə bir qrup taksi sürücüsünün aprel ayının 2-də boykot kampaniyası keçirəcəyi ilə bağlı xəbərlər yayılmışdı.
Əfsanə Kamal
Demokrat.az
Bu sözləri Demokrat.az-a açıqlamasında nəqliyyat eksperti Eldəniz Cəfərov deyib.
Ekspert bildirib ki, taksi sürücülərinin etdiyi tələblərin bir qismi isə mərhələli şəkildə həll oluna biləcək məsələlərdir:
"Onlar taksi dayanacaqlarının təşkil olunmasını tələb edirlər. Onsuz da həm müvəqqəti, həm də bir neçə saatlıq dayanacaqlar təşkil olunur. Sadəcə Bakı şəhərində taksi dayanacağı üçün yer təşkil etmək elə də asan iş deyil. Avtobus zolaqlarına taksilərin daxil olması ilə bağlı təkliflərimiz olsa da, nəzarət mexanizmini hazır edə bilməmişik. Zolaqların ictimai nəqliyyatın avtobus seqmenti üçün olması səbəbindən taksilərə icazə verilməsinin digər maşınlar tərəfindən sui-istifadə halları yaradıb-yaratmayacağı sualı yaranır".
Onun sözlərinə görə qiymətlər tələbata əsasən dəyişir:
"Vətəndaşlar indiki qiymətlərdən razıdırlar. Taksi sürücüləri ilə söhbətdən məlum olur ki, onların əsas istəyi maddi rifahlarının yüksəlməsi ilə bağlıdır.
Təəssüf ki, bu gün xarici taksi şirkətləri bizim sürücüləri və vətəndaşlarımızı istismar edirlər. Müxtəlif şirnikləşdirici kampaniyalar ilə insanları 14-16 saat işləməyə məcbur edirlər. Bununla Əmək Müfəttişliyi ciddi şəkildə məşğul olmalıdır. Sürücülərin qazandığı nağdsız ödənişləri şirkətlər vaxtında sürücüyə qaytarmır. Vaxtında ödəniş olunmadığı üçün sürücülər kartla ödəniş edən müştərilərdən imtina edir, sərnişinlə sürücü arasında problemlər yaranır. Bu məsələ ilə Vergi Xidməti məşğul olmalıdır.
Xarici taksi şirkətləri bizim vətəndaşlarımız olan sürücülərdən 25 faiz komissiya alırlar. Bu da olduqca böyük məbləğdir. Bu üç əsas məsələ üzərində işlər aparılsa, yaxşı olar.
Xatırladaq ki, bir neçə gün öncə bir qrup taksi sürücüsünün aprel ayının 2-də boykot kampaniyası keçirəcəyi ilə bağlı xəbərlər yayılmışdı.
Əfsanə Kamal
Demokrat.az
