Son zamanlar Avropa İttifaqı çətin duruma düşüb. Ənənəvi müttəfiqi olan ABŞ Trampın dövründə Aİ-dən üz döndərib. Qurumun özü daxilində ciddi fikir ayrılıqları hökm sürür. Onun nəticəsidir ki, Avropa İttifaqı Ukrayna məsələsi ilə bağlı hələ də yekun qərara gələ bilmir. Bunu bəzi Avropa liderlərinin Londonda baş tutan görüşü əyani şəkildə göstərdi. Burada Aİ ölkələrinin heç də hamısı təmsil olunmurdu. Ötən əsrin 30-cu illərində Hitler Almaniyanın ərazi iddiaları fonunda Fransa və Böyük Britaniyanın qəti qərar verə bilməməsi bilirik ki, sonda İkinci Dünya müharibəsinə gətirib çıxardı.
Avropa 90 il əvvəlki səhvini yenidən təkrarlayır?
Mövzu ilə bağlı Bizim.Media-ya açıqlamasında Milli Məclisin deputatı Elman Nəsirov bildirir ki, hazırda NATO üzrə strateji müttəfiqlər olan Avropa İttifaqi ilə ABŞ münasibətlərində ciddi gərginlik yaşanır:
“Tramp Aİ-dən idxal etdikləri məhsullara 25 faizlik rüsumun tətbiqilə bağlı qərar verib. Eyni zamanda, Tramp Rusiya Ukrayna müharibəsi fonunda Aİ ilə baş-başa gələcək mövqe ortaya qoyub. Aİ ölkələri birmənalı şəkildə Zelenskini dəstəkləyir. Fevralın 28-də Av Evin dəyirmi zalında Trampla Zelenski arasında baş tutan görüş fəlakətli görüş kimi təqdim olunur. Görüşdən məlum oldu ki, Ağ Ev Ukraynaya, xüsusən də onun liderinə qarşı kəskin mövqeyə malikdir. Hətta gələn qonaqların xərclərini ABŞ Ukrayna tərəfinin özünün ödəməli olduğunu bəyan edib”.
Deputatın fikrincə, Londonda keçirilən Aİ liderlərinin görüşü də real nəticə verməyib:
“Ardınca Londonda Aİ liderləri Ukraynaya dəstəklə bağlı görüş keçirdi. Ancaq onun da real nəticələri yoxdur. Bu görüşün özü də parçalanmış Avropanı göstərdi. Çünki ora Aİ-nin müharibənin əleyhinə olan bir sıra ölkələri dəvət almayıb. Deməli, Aİ ölkələri müharibənin davamına səs verdilər. Lakin ABŞ olmadan müharibənin necə davam edəcəyi sual altındadır. Ona görə Aİ liderləri çalışır ki, prosesdə ABŞ-ın da iştirakı təmin olunsun. NATO büdcəsinin 65-70 faizini ABŞ ödəyir”.
E.Nəsirov hesab edir ki, mart ayında müharibənin gedişində ciddi dönüş baş verə bilər:
“Beynəlxalq münasibətlər sistemində qlobal dəyişikliklər baş verməkdədir. Dünənki müttəfiqlər indi yadlara çevrilir və əksinə. Hesab edirəm ki, mart ayı ərzində Ukrayna Rusiya müharibəsində ciddi informasiyalara malik olacağıq, ciddi dönüş nöqtələri baş verə bilər.
Belədə Aİ də parçalanacaq. Aİ ölkələrinin parçalanması, bir qisminin ABŞ-ın yanında yer alması, bir qisminin də əks mövqedə dayanması baş verəcək. Bu da həm NATO, həm də Aİ-ni son dərəcədə zəiflədəcək. Fikrimcə, şampan butulkasını açırlar.
1938-ci ildə Münhen sövdələşməsilə Böyük Britaniya, Fransa Çexoslavakiyanın Sudet vilayətini Almaniyaya verdilər. İndiki halda Avropa faktiki olaraq vahid şəkildə çıxış edə bilmir. Avropa dövlətlərinin indi güclü ordusu, hərbi texnikası və potensialı yoxdur. NATO-nun hərbi potensialına görə ən güclü dövləti ABŞ-dır. İkinci yeri isə bu göstəricilərə görə Türkiyə tutur. Böyük Britaniyanın isə cəmi 72 minlik ordusu var. Onlar uzun müddətdir ən yaxşı halda hərbi təlimlər görür və hərbi əməliyyatlarda iştirak etmirlər. Bu gün Avropanın ən güclü ordularından biri Ukrayna ordusudur. Onların 3 illik müharibə təcrübəsi var”.
Avropa 90 il əvvəlki səhvini yenidən təkrarlayır?
Mövzu ilə bağlı Bizim.Media-ya açıqlamasında Milli Məclisin deputatı Elman Nəsirov bildirir ki, hazırda NATO üzrə strateji müttəfiqlər olan Avropa İttifaqi ilə ABŞ münasibətlərində ciddi gərginlik yaşanır:
“Tramp Aİ-dən idxal etdikləri məhsullara 25 faizlik rüsumun tətbiqilə bağlı qərar verib. Eyni zamanda, Tramp Rusiya Ukrayna müharibəsi fonunda Aİ ilə baş-başa gələcək mövqe ortaya qoyub. Aİ ölkələri birmənalı şəkildə Zelenskini dəstəkləyir. Fevralın 28-də Av Evin dəyirmi zalında Trampla Zelenski arasında baş tutan görüş fəlakətli görüş kimi təqdim olunur. Görüşdən məlum oldu ki, Ağ Ev Ukraynaya, xüsusən də onun liderinə qarşı kəskin mövqeyə malikdir. Hətta gələn qonaqların xərclərini ABŞ Ukrayna tərəfinin özünün ödəməli olduğunu bəyan edib”.
Deputatın fikrincə, Londonda keçirilən Aİ liderlərinin görüşü də real nəticə verməyib:
“Ardınca Londonda Aİ liderləri Ukraynaya dəstəklə bağlı görüş keçirdi. Ancaq onun da real nəticələri yoxdur. Bu görüşün özü də parçalanmış Avropanı göstərdi. Çünki ora Aİ-nin müharibənin əleyhinə olan bir sıra ölkələri dəvət almayıb. Deməli, Aİ ölkələri müharibənin davamına səs verdilər. Lakin ABŞ olmadan müharibənin necə davam edəcəyi sual altındadır. Ona görə Aİ liderləri çalışır ki, prosesdə ABŞ-ın da iştirakı təmin olunsun. NATO büdcəsinin 65-70 faizini ABŞ ödəyir”.
E.Nəsirov hesab edir ki, mart ayında müharibənin gedişində ciddi dönüş baş verə bilər:
“Beynəlxalq münasibətlər sistemində qlobal dəyişikliklər baş verməkdədir. Dünənki müttəfiqlər indi yadlara çevrilir və əksinə. Hesab edirəm ki, mart ayı ərzində Ukrayna Rusiya müharibəsində ciddi informasiyalara malik olacağıq, ciddi dönüş nöqtələri baş verə bilər.
Belədə Aİ də parçalanacaq. Aİ ölkələrinin parçalanması, bir qisminin ABŞ-ın yanında yer alması, bir qisminin də əks mövqedə dayanması baş verəcək. Bu da həm NATO, həm də Aİ-ni son dərəcədə zəiflədəcək. Fikrimcə, şampan butulkasını açırlar.
1938-ci ildə Münhen sövdələşməsilə Böyük Britaniya, Fransa Çexoslavakiyanın Sudet vilayətini Almaniyaya verdilər. İndiki halda Avropa faktiki olaraq vahid şəkildə çıxış edə bilmir. Avropa dövlətlərinin indi güclü ordusu, hərbi texnikası və potensialı yoxdur. NATO-nun hərbi potensialına görə ən güclü dövləti ABŞ-dır. İkinci yeri isə bu göstəricilərə görə Türkiyə tutur. Böyük Britaniyanın isə cəmi 72 minlik ordusu var. Onlar uzun müddətdir ən yaxşı halda hərbi təlimlər görür və hərbi əməliyyatlarda iştirak etmirlər. Bu gün Avropanın ən güclü ordularından biri Ukrayna ordusudur. Onların 3 illik müharibə təcrübəsi var”.
