"İkili diplom verilməsi universitetləri inkişaf etdirə bilər" — TƏKLİF

"İki diplomlarla bağlı ilk öncə universitetləri  özlərinin aydın hədəfləri, beynəlminəlləşmə siyasətləri olmalıdır. Universitetlər öz maraqlarına uyğun partnyor universitetlərlə birbaşa danışıqlar aparmalı, ikili imkanlar üçün qarşı tərəflə proqramları uyğunlaşdırmalıdır".

Bu sözləri Demokrat.az-a açıqlamasında ali təhsil məsələləri üzrə ekspert Vüsal Kərimli deyib. 

O bildirib ki, məsələ dövlətin prioritetləri sırasına əlavə edilə bilər:

"Elm və Təhsil Nazirliyi ilə məsələ razılaşdırılmalıdır. İkili diplom proqramlarında maliyyə yükü tələbələrin üzərinə düşür. Maliyyə məsələlərində dünya təcrübəsində də mütləq dövlətin maliyyələşdirilməsinin vacibliyi görülmür. Bütün bunlar tələbənin özünün razılığı əsasında olmalıdır".



Onu sözlərinə görə, bu, sahənin inkişafı üçün ixtisasların, proqramların beynəlxalq aktidasiyadan keçməsinə nail olmaq lazımdır:

"Eyni zamanda proqramların uyğunluğu yoxlanmalıdır. Uyğunluq yaradılsa, ikili diplomların mahiyyəti haqqında izahlar daha aydın verilsə, strateji olaraq faydalı olacaq. Universitetlər inkişaf edəcək, beynəlxalq reytinqlərdəki vəziyyət yaxşılacaq, professor, müəllim heyətinin təlimlərə cəlb edilməsi nəticələrin əldə edilməsinə müsbət təsir edə bilər".


Əfsanə Kamal
Demokrat.az