Bakı Qeyri-Hökumət Təşkilatlarının Resurs və Təlim Mərkəzinin sədri Rauf Zeyni QHT.az-a verdiyi açıqlamada Bakı şəhərindəki tıxacların səbəbləri və bu problemə qarşı atılacaq addımlar haqqında ətraflı məlumat verib.
R.Zeyni uzun illərdir ki, yol nəqliyyat infrastrukturunun və nəqliyyat hərəkatının təkmilləşdirilməsi ilə bağlı bir çox ictimai müzakirələrdə iştirak etdiklərini, həmçinin beynəlxalq konfranslarda bu mövzuya toxunaraq dünya təcrübəsindən faydalandıqlarını vurğulayıb. O, Avropa Oyunları, İslam Həmrəyliyi Oyunları və COP 29 kimi beynəlxalq tədbirlərdə iştirak edərək, Bakıdakı tıxacların yaranma səbəblərini araşdıran beynəlxalq şirkətlərin təkliflərini önə çəkdi. "Biz bu tədbirlərdə iştirak etdik, həm də beynəlxalq təcrübəni öyrəndik. Tıxacların qarşısının alınması üçün müəyyən təkliflər ortaya qoyulmuşdu. Bunlardan biri, şəhərətrafı dairəvi yolların yaradılmasıdır. Bu təkliflərin bəziləri həyata keçirilib, bəziləri isə hələ icra olunmayıb", – deyə R. Zeyni bildirib.
Rauf Zeyni Prezident İlham Əliyevin 2025-2030-cu illər üzrə Bakı şəhəri və ətraf ərazilərdə nəqliyyat infrastrukturunun təkmilləşdirilməsi ilə bağlı təsdiq etdiyi Dövlət Proqramını çox əhəmiyyətli bir addım kimi qiymətləndirib. O, bu proqramın 5 il ərzində həyata keçirilməsinin, Bakıdakı tıxacların azalmasına vətəndaşların həyat keyfiyyətinin yüksəlməsinə müsbət təsir göstərəcəyinə əmin olduğunu bildirib. "Bu proqramın icrası tıxacların azaldılmasına vətəndaşlarımızın, xüsusilə sürücülərimizin daha rahat hərəkət etməsinə şərait yaradacaq. Tıxaclar çox ciddi problemdir və bunun həlli üçün bir neçə strateji addım atılmalıdır", – deyə, o əlavə edib.
Tıxacların qarşısının alınmasında təkcə infrastruktur dəyişikliklərinin kifayət etmədiyini bildirən R.Zeyni yeni iş rejimlərinin də tətbiq edilməsinin vacibliyini vurğulayıb. O, yeni təhsil və tibb müəssisələrində iş rejiminin dəyişdirilməsi və qrafiklərin optimallaşdırılmasının tıxacların azalmasına müsbət təsir göstərəcəyini qeyd edib. "Bizim məqsədimiz həm xidmətin keyfiyyətini artırmaq, həm də vətəndaşlara daha yaxşı xidmət göstərməkdir. Yeni iş rejimi ilə tıxacların qarşısı alınacaq və bu, vətəndaşların həyatını asanlaşdıracaq", – deyə, R.Zeyni bildirib.
Sədr dövlətin vəsaitinin səmərəli və şəffaf şəkildə xərclənməsinin vacibliyini də xüsusi olaraq qeyd edib. "Dövlətin vəsaiti təhsil, səhiyyə və nəqliyyat sahələrinə ayrılır, amma təəssüf ki, bəzən bu vəsaitin lazımi effekti olmur. Nəqliyyatın İntellektual İdarəetmə Mərkəzi yaradılıb və bu məqsədlə milyonlarla manat vəsait ayrılıb, amma hələ də gözlənilən nəticəni əldə etməmişik. Bu səbəbdən, vətəndaş cəmiyyəti olaraq biz hər zaman ictimai nəzarəti gücləndirməliyik", – deyə, o, əlavə edib.
Mərkəzin sədri dövlətin fəaliyyətində şəffaflığın təmin olunması və vəsaitin nəticəyə yönəlik şəkildə xərclənməsinin vacibliyini də vurğulayıb. "Cənab Prezident qeyd edib ki, dövlətin vəsaiti səmərəli və keyfiyyətli xərclənməlidir və bu, nəticə verən fəaliyyət olmalıdır. Yalnız bu şəkildə vətəndaşların rifahı yüksələ bilər və məmnuniyyət təmin edilə bilər. Vətəndaş cəmiyyəti də bu məsələdə çox fəaldır və biz daim ictimai müzakirələr aparırıq", – deyə R.Zeyni fikrini yekunlaşdırıb.
R.Zeyni uzun illərdir ki, yol nəqliyyat infrastrukturunun və nəqliyyat hərəkatının təkmilləşdirilməsi ilə bağlı bir çox ictimai müzakirələrdə iştirak etdiklərini, həmçinin beynəlxalq konfranslarda bu mövzuya toxunaraq dünya təcrübəsindən faydalandıqlarını vurğulayıb. O, Avropa Oyunları, İslam Həmrəyliyi Oyunları və COP 29 kimi beynəlxalq tədbirlərdə iştirak edərək, Bakıdakı tıxacların yaranma səbəblərini araşdıran beynəlxalq şirkətlərin təkliflərini önə çəkdi. "Biz bu tədbirlərdə iştirak etdik, həm də beynəlxalq təcrübəni öyrəndik. Tıxacların qarşısının alınması üçün müəyyən təkliflər ortaya qoyulmuşdu. Bunlardan biri, şəhərətrafı dairəvi yolların yaradılmasıdır. Bu təkliflərin bəziləri həyata keçirilib, bəziləri isə hələ icra olunmayıb", – deyə R. Zeyni bildirib.
Rauf Zeyni Prezident İlham Əliyevin 2025-2030-cu illər üzrə Bakı şəhəri və ətraf ərazilərdə nəqliyyat infrastrukturunun təkmilləşdirilməsi ilə bağlı təsdiq etdiyi Dövlət Proqramını çox əhəmiyyətli bir addım kimi qiymətləndirib. O, bu proqramın 5 il ərzində həyata keçirilməsinin, Bakıdakı tıxacların azalmasına vətəndaşların həyat keyfiyyətinin yüksəlməsinə müsbət təsir göstərəcəyinə əmin olduğunu bildirib. "Bu proqramın icrası tıxacların azaldılmasına vətəndaşlarımızın, xüsusilə sürücülərimizin daha rahat hərəkət etməsinə şərait yaradacaq. Tıxaclar çox ciddi problemdir və bunun həlli üçün bir neçə strateji addım atılmalıdır", – deyə, o əlavə edib.
Tıxacların qarşısının alınmasında təkcə infrastruktur dəyişikliklərinin kifayət etmədiyini bildirən R.Zeyni yeni iş rejimlərinin də tətbiq edilməsinin vacibliyini vurğulayıb. O, yeni təhsil və tibb müəssisələrində iş rejiminin dəyişdirilməsi və qrafiklərin optimallaşdırılmasının tıxacların azalmasına müsbət təsir göstərəcəyini qeyd edib. "Bizim məqsədimiz həm xidmətin keyfiyyətini artırmaq, həm də vətəndaşlara daha yaxşı xidmət göstərməkdir. Yeni iş rejimi ilə tıxacların qarşısı alınacaq və bu, vətəndaşların həyatını asanlaşdıracaq", – deyə, R.Zeyni bildirib.
Sədr dövlətin vəsaitinin səmərəli və şəffaf şəkildə xərclənməsinin vacibliyini də xüsusi olaraq qeyd edib. "Dövlətin vəsaiti təhsil, səhiyyə və nəqliyyat sahələrinə ayrılır, amma təəssüf ki, bəzən bu vəsaitin lazımi effekti olmur. Nəqliyyatın İntellektual İdarəetmə Mərkəzi yaradılıb və bu məqsədlə milyonlarla manat vəsait ayrılıb, amma hələ də gözlənilən nəticəni əldə etməmişik. Bu səbəbdən, vətəndaş cəmiyyəti olaraq biz hər zaman ictimai nəzarəti gücləndirməliyik", – deyə, o, əlavə edib.
Mərkəzin sədri dövlətin fəaliyyətində şəffaflığın təmin olunması və vəsaitin nəticəyə yönəlik şəkildə xərclənməsinin vacibliyini də vurğulayıb. "Cənab Prezident qeyd edib ki, dövlətin vəsaiti səmərəli və keyfiyyətli xərclənməlidir və bu, nəticə verən fəaliyyət olmalıdır. Yalnız bu şəkildə vətəndaşların rifahı yüksələ bilər və məmnuniyyət təmin edilə bilər. Vətəndaş cəmiyyəti də bu məsələdə çox fəaldır və biz daim ictimai müzakirələr aparırıq", – deyə R.Zeyni fikrini yekunlaşdırıb.
