"İranın müəyyən dairələri Azərbaycana qarşı yenidən hücuma, təbliğat və anti-Azərbaycan kampaniyasına keçə bilər. Məncə, bu, Azərbaycan-İran münasibətlərinə mənfi təsir göstərəcək. Belə ki, Azərbaycanda keçirilən bəzi görüşlərə onlar etiraz edirlər".
Bunu Demokrat.az-a açıqlamasında politoloq Elşad Həsənov deyib.
O, bildirib ki, xüsusən bu günlərdə Yəhuda Ravinin konfransının keçirilməsi İranda qıcıq yaratdı və bununla əlaqədar Azərbaycana qarşı təbliğat kampaniyası başladı:
"Eyni zamanda onlar Azərbaycanda digər məsələlərə də etirazlarını bildirirlər. Onlar anlamırlar ki, Azərbaycan müstəqil dövlətdir və öz siyasətini aparır. Azərbaycan dünya siyasi sistemində layiqli yer tutub.
Azərbaycana qarşı təbliğat aparanlar elə düşünürlər ki, ölkəmiz onların bir əyalətidir, amma belə deyil. Azərbaycan müstəqil ölkədir və heç bir başqa ölkənin asılı qüvvəsi deyil".
Politoloqun sözlərinə görə, ona görə də Azərbaycan İranın, Rusiyanın və digər ölkələrin təsirinə asılı vəziyyətdə deyil, öz müstəqil siyasətini yürüdür və milli maraqlarına, dövlət maraqlarına uyğun qərarlar qəbul edir:
"Sabah Azərbaycanda İsrail–Suriya danışıqları başlayacaq. Bu isə göstərir ki, Azərbaycan dünya siyasi sistemində özünə layiqli yer tutub və sabit, etibarlı tərəfdaşdır. Həm Suriya, həm də İsrail Azərbaycana hörmət edir və etibar edirlər, məhz buna görə həmin görüşlər burada keçirilir".
Ekspert bildirib ki, bəzi dairələrdə bu hadisələr qıcıqla qarşılanır, amma bu düzgün deyil:
"İranda hazırda islahatçı qüvvələr var və onlar Azərbaycanın doğru qərarlarını dəstəkləyirlər. Məsələn, Zəngəzur dəhlizi ilə bağlı bəzi islahatçı səslər bildirdilər ki, bu İran üçün ciddi problem yaratmır, sərhədləri bağlamır və Türkiyə ilə əlaqələrə maneə deyil.
Zəngəzur dəhlizinin açılması böyük əhəmiyyətə malikdir və İranın milli maraqlarına zərər vermir. İranda islahatçı qüvvələrin rolu artarsa, İran gələcəkdə daha çox inkişaf edə bilər".
Onun sözlərinə görə, qara qüvvətlərlə digər ölkələrə hücum etmək və təhlükə yaratmaqla İranda inkişaf mümkün deyil:
"Hazırda İran ağır vəziyyətdədir, əhalinin durumu çətindir. Neft və qaz satışı sanksiyalar səbəbindən məhdudlaşıb. Yeni texnologiyalar verilmir və bunun nəticəsində İran qaz ehtiyatlarını tam çıxara bilmir. Bu siyasətin əsas zərərçəkəni İranda yaşayan əhalidir.
Eyni vaxtda ölkə rəhbərliyinin yaxınlarının varlanması məsələləri də narahatlıq doğur. Məsələn, Ayətullah Xaməneinin yaxınlarının Londonda böyük məbləğdə pul saxlaması haqda iddialar var. Bu cür hallar xalq arasında ədalətsizlik hissini artırır".
Ekspert hesab edir ki, İran xalqı gələcəyini düşünəcək və islahatçıların arxasınca gedərək İranı daha sivil, normal və dünya ilə əlaqəli bir dövlətə çevirə bilər.
Əfsanə Kamal
Demokrat.az
Bunu Demokrat.az-a açıqlamasında politoloq Elşad Həsənov deyib.
O, bildirib ki, xüsusən bu günlərdə Yəhuda Ravinin konfransının keçirilməsi İranda qıcıq yaratdı və bununla əlaqədar Azərbaycana qarşı təbliğat kampaniyası başladı:
"Eyni zamanda onlar Azərbaycanda digər məsələlərə də etirazlarını bildirirlər. Onlar anlamırlar ki, Azərbaycan müstəqil dövlətdir və öz siyasətini aparır. Azərbaycan dünya siyasi sistemində layiqli yer tutub.
Azərbaycana qarşı təbliğat aparanlar elə düşünürlər ki, ölkəmiz onların bir əyalətidir, amma belə deyil. Azərbaycan müstəqil ölkədir və heç bir başqa ölkənin asılı qüvvəsi deyil".
Politoloqun sözlərinə görə, ona görə də Azərbaycan İranın, Rusiyanın və digər ölkələrin təsirinə asılı vəziyyətdə deyil, öz müstəqil siyasətini yürüdür və milli maraqlarına, dövlət maraqlarına uyğun qərarlar qəbul edir:
"Sabah Azərbaycanda İsrail–Suriya danışıqları başlayacaq. Bu isə göstərir ki, Azərbaycan dünya siyasi sistemində özünə layiqli yer tutub və sabit, etibarlı tərəfdaşdır. Həm Suriya, həm də İsrail Azərbaycana hörmət edir və etibar edirlər, məhz buna görə həmin görüşlər burada keçirilir".
Ekspert bildirib ki, bəzi dairələrdə bu hadisələr qıcıqla qarşılanır, amma bu düzgün deyil:
"İranda hazırda islahatçı qüvvələr var və onlar Azərbaycanın doğru qərarlarını dəstəkləyirlər. Məsələn, Zəngəzur dəhlizi ilə bağlı bəzi islahatçı səslər bildirdilər ki, bu İran üçün ciddi problem yaratmır, sərhədləri bağlamır və Türkiyə ilə əlaqələrə maneə deyil.
Zəngəzur dəhlizinin açılması böyük əhəmiyyətə malikdir və İranın milli maraqlarına zərər vermir. İranda islahatçı qüvvələrin rolu artarsa, İran gələcəkdə daha çox inkişaf edə bilər".
Onun sözlərinə görə, qara qüvvətlərlə digər ölkələrə hücum etmək və təhlükə yaratmaqla İranda inkişaf mümkün deyil:
"Hazırda İran ağır vəziyyətdədir, əhalinin durumu çətindir. Neft və qaz satışı sanksiyalar səbəbindən məhdudlaşıb. Yeni texnologiyalar verilmir və bunun nəticəsində İran qaz ehtiyatlarını tam çıxara bilmir. Bu siyasətin əsas zərərçəkəni İranda yaşayan əhalidir.
Eyni vaxtda ölkə rəhbərliyinin yaxınlarının varlanması məsələləri də narahatlıq doğur. Məsələn, Ayətullah Xaməneinin yaxınlarının Londonda böyük məbləğdə pul saxlaması haqda iddialar var. Bu cür hallar xalq arasında ədalətsizlik hissini artırır".
Ekspert hesab edir ki, İran xalqı gələcəyini düşünəcək və islahatçıların arxasınca gedərək İranı daha sivil, normal və dünya ilə əlaqəli bir dövlətə çevirə bilər.
Əfsanə Kamal
Demokrat.az
