Müdafiə Nazirliyinin mənimsəməyə görə tutulmuş Maliyyə və Büdcə İdarəsinin sabiq rəisi general-mayor Nizami Məmmədov, Hərbi Hava Qüvvələrinin Maliyyə Xidmətinin sabiq rəisi polkovnik Cəlal Kazımov, Quru Qoşunların Maliyyə İdarəsinin sabiq rəisi Bayram Bayramov və Hərbi Dəniz Qüvvələrinin Maliyyə Xidmətinin sabiq rəisi Vüsal Əlizadənin cinayət işi üzrə məhkəmə prosesi keçirilib.
Demokrat.az xəbər verir ki, Bakı Hərbi Məhkəməsində hakim Fikrət Əliyevin sədrliyi ilə keçirilən prosesdə 5 nəfər şahidin təkrar dindirilməsi barədə qərar qəbul olunub. Hakim bildirib ki, həmin şahidlər əvvəlki iclasda dindiriliblər, amma onların həmin dövrdən sonra dövlətə dəymiş ziyanın ödənilməsinin nə yerdə olmasının müəyyən edilməsi üçün təkrar məhkəməyə dəvət olunmaları istənilib.
Həmin şahidlərdən biri Emin Poladovdur. O, 2015-2020-ci illərdə Cəmşid Naxçıvanski adına Ali Hərbi Məktəbdə, Silahlı Qüvvələrin Təlim və Tədris Mərkəzində, Baş Klinik Hərbi Hospitalda və son olaraq “N” saylı hərbi-hissədə maliyyə xidmətinin rəisi olub. O, hazırda ehtiyatda olan zabitdir.
Məhkəmədə təkrar ifadə verən Emin Poladov bildirib ki, onun tərəfindən dövlətə vurulan ziyan 2 milyon 621 manatdır. Onun sözlərinə görə istintaq zamanı 525 min manat ziyan ödəyib.
Məhkəmədə məlum olub ki, Emin Poladov bundan əvvəl məhkəmədə dindirilən zaman ziyanın ödənilməsi ilə bağlı söz versə də, ödəniş etməyib.
Şahidin diqqətinə çatdırılıb ki, ziyanı ödəməyən şahidlər istintaq orqanına dəvət olunurlar, barələrində qətimkan tədbiri seçilir.
Suallara cavab verən Emin Poladov deyib ki, yaxın zamanlarda ziyanın ödənilməsi üçün işlər görməyə çalışır.
Digər təkrar dəvət olunan şahid Elşən Salamov deyib ki, hazırda "N" saylı hərbi hissədə Maliyyə Xidmətinin bölmə rəisi işləyir. Şahid deyib ki, istintaq zamanı 261 min manat ödəniş edib, amma ondan sonra ziyanın ödənilməsi üçün heç bir tədbir görməyib.
Məhkəmədə məlum olub ki, Elşən Salamov 1 milyon 573 manat dövlətə ziyan vurub. Hər iki şahidə dövlətə dəymiş ziyanın ödəmələri məsləhət görülüb. Əks halda onların barəsində sərt tədbir görüləcək.
Hakim Fikrət Əliyev deyib ki, bugünkü prosesdə beş şahiddən ikisi iştirak edib, digər üç şahidin isə növbəti iclasda dindirilməsi təmin olunacaq.
Vəkil Rəşad Mirmehdizadə Müdafiə Nazirliyinin Maliyyə və Büdcə İdarəsinin sabiq rəisi Namiq Poladovun dindirilməsini ilə bağlı geniş vəsatəti olacağını bildirib.
Növbəti proses iyunun 7-də davam edəcək.
Qeyd edək ki, Müdafiə Nazirliyinin Maliyyə və Büdcə İdarəsinin sabiq rəisi general-mayor Nizami Məmmədov, Hərbi Hava Qüvvələrinin (HHQ) Maliyyə Xidmətinin sabiq rəisi polkovnik Cəlal Kazımov, Quru Qoşunların maliyyə idarəsinin sabiq rəisi Bayram Bayramov, Hərbi Dəniz Qüvvələrinin maliyyə xidmətinin sabiq rəisi Vüsal Əlizadə, Müdafiə Nazirliyinin Satınalmalar və Təchizat İdarəsinin sabiq rəisi polkovnik Mahir Şirvanov, həmçinin nazirliyin Satınalmalar və Təchizat İdarəsinin sabiq rəisi Məlikməmməd Qurbanov, nazirliyin mənzil istismar idarəsinin sabiq rəisi polkovnik Fikrət Mirzəyev Dövlət Təhlükəsizliyi Xidmətinin keçirdiyi xüsusi əməliyyat nəticəsində həbs ediliblər.
Təqsirləndirilən şəxslər dövlət büdcəsindən ayrılan pulları mənimsəməkdə ittiham edilirlər.
Xatırladaq ki, cinayət işi üzrə ümumilikdə dövlətə dəymiş ziyan 143 milyon manatdır.
Cinayət işləri ayrı-ayrı icraatlarda baxılması üçün məhkəməyə göndərilib. İstintaq dövründə dövlətə vurulmuş ümumi ziyanın 40 milyon manatı ödənilib.
Cinayət işi üzrə Maliyyə Nazirliyi zərərçəkmiş qismində tanınıb. Təqsirləndirilən şəxslərin hər biri Cinayət Məcəlləsinin 179.4-cü (xüsusi ilə külli miqdarda ziyan vurmaqla mənimsəmə törətmək) maddəsi ilə ittiham irəli sürülüb.
Fariz Məlikli
Demokrat.az
Demokrat.az xəbər verir ki, Bakı Hərbi Məhkəməsində hakim Fikrət Əliyevin sədrliyi ilə keçirilən prosesdə 5 nəfər şahidin təkrar dindirilməsi barədə qərar qəbul olunub. Hakim bildirib ki, həmin şahidlər əvvəlki iclasda dindiriliblər, amma onların həmin dövrdən sonra dövlətə dəymiş ziyanın ödənilməsinin nə yerdə olmasının müəyyən edilməsi üçün təkrar məhkəməyə dəvət olunmaları istənilib.
Həmin şahidlərdən biri Emin Poladovdur. O, 2015-2020-ci illərdə Cəmşid Naxçıvanski adına Ali Hərbi Məktəbdə, Silahlı Qüvvələrin Təlim və Tədris Mərkəzində, Baş Klinik Hərbi Hospitalda və son olaraq “N” saylı hərbi-hissədə maliyyə xidmətinin rəisi olub. O, hazırda ehtiyatda olan zabitdir.
Məhkəmədə təkrar ifadə verən Emin Poladov bildirib ki, onun tərəfindən dövlətə vurulan ziyan 2 milyon 621 manatdır. Onun sözlərinə görə istintaq zamanı 525 min manat ziyan ödəyib.
Məhkəmədə məlum olub ki, Emin Poladov bundan əvvəl məhkəmədə dindirilən zaman ziyanın ödənilməsi ilə bağlı söz versə də, ödəniş etməyib.
Şahidin diqqətinə çatdırılıb ki, ziyanı ödəməyən şahidlər istintaq orqanına dəvət olunurlar, barələrində qətimkan tədbiri seçilir.
Suallara cavab verən Emin Poladov deyib ki, yaxın zamanlarda ziyanın ödənilməsi üçün işlər görməyə çalışır.
Digər təkrar dəvət olunan şahid Elşən Salamov deyib ki, hazırda "N" saylı hərbi hissədə Maliyyə Xidmətinin bölmə rəisi işləyir. Şahid deyib ki, istintaq zamanı 261 min manat ödəniş edib, amma ondan sonra ziyanın ödənilməsi üçün heç bir tədbir görməyib.
Məhkəmədə məlum olub ki, Elşən Salamov 1 milyon 573 manat dövlətə ziyan vurub. Hər iki şahidə dövlətə dəymiş ziyanın ödəmələri məsləhət görülüb. Əks halda onların barəsində sərt tədbir görüləcək.
Hakim Fikrət Əliyev deyib ki, bugünkü prosesdə beş şahiddən ikisi iştirak edib, digər üç şahidin isə növbəti iclasda dindirilməsi təmin olunacaq.
Vəkil Rəşad Mirmehdizadə Müdafiə Nazirliyinin Maliyyə və Büdcə İdarəsinin sabiq rəisi Namiq Poladovun dindirilməsini ilə bağlı geniş vəsatəti olacağını bildirib.
Növbəti proses iyunun 7-də davam edəcək.
Qeyd edək ki, Müdafiə Nazirliyinin Maliyyə və Büdcə İdarəsinin sabiq rəisi general-mayor Nizami Məmmədov, Hərbi Hava Qüvvələrinin (HHQ) Maliyyə Xidmətinin sabiq rəisi polkovnik Cəlal Kazımov, Quru Qoşunların maliyyə idarəsinin sabiq rəisi Bayram Bayramov, Hərbi Dəniz Qüvvələrinin maliyyə xidmətinin sabiq rəisi Vüsal Əlizadə, Müdafiə Nazirliyinin Satınalmalar və Təchizat İdarəsinin sabiq rəisi polkovnik Mahir Şirvanov, həmçinin nazirliyin Satınalmalar və Təchizat İdarəsinin sabiq rəisi Məlikməmməd Qurbanov, nazirliyin mənzil istismar idarəsinin sabiq rəisi polkovnik Fikrət Mirzəyev Dövlət Təhlükəsizliyi Xidmətinin keçirdiyi xüsusi əməliyyat nəticəsində həbs ediliblər.
Təqsirləndirilən şəxslər dövlət büdcəsindən ayrılan pulları mənimsəməkdə ittiham edilirlər.
Xatırladaq ki, cinayət işi üzrə ümumilikdə dövlətə dəymiş ziyan 143 milyon manatdır.
Cinayət işləri ayrı-ayrı icraatlarda baxılması üçün məhkəməyə göndərilib. İstintaq dövründə dövlətə vurulmuş ümumi ziyanın 40 milyon manatı ödənilib.
Cinayət işi üzrə Maliyyə Nazirliyi zərərçəkmiş qismində tanınıb. Təqsirləndirilən şəxslərin hər biri Cinayət Məcəlləsinin 179.4-cü (xüsusi ilə külli miqdarda ziyan vurmaqla mənimsəmə törətmək) maddəsi ilə ittiham irəli sürülüb.
Fariz Məlikli
Demokrat.az
