Emin Ağalarov: “Bu terror aktı şəxsən mənə və ailəmə toxunub”

GÜNDƏM 23 mar 2024, 08:30
“Crocus Group”un birinci vitse-prezidenti Emin Ağalarov “Crocus City Hall”un konsert zalında törədilmiş terror aktı nəticəsində ölənlərin ailələrinə başsağlığı verib, bu terror aktının onun ailəsinə də təsir etdiyini vurğulayıb.

Oxu.Az-ın məlumatına görə, bununla bağlı o, “Instagram” hesabında paylaşım edib.

“Crocus City Hall”da baş vermiş dəhşətli hadisələrlə əlaqədar həlak olanların ailələrinə dərin hüznlə başsağlığı verirəm.

Bu terror aktı hər kəs üçün dəhşətli faciədir, şəxsən mənə və ailəmə toxunub. Kədərimizi təsvir edəcək söz tapmıram”, - Ağalarov qeyd edib.

Xatırladaq ki, martın 22-də Rusiyanın Moskva vilayətinin Krasnoqorsk şəhərindəki “Crocus City Hall” konsert zalında terror aktı törədilib. Naməlum şəxslər məkana daxil olaraq insanları güllələməyə başlayıb, daha sonra yanğın törədərək hadisə yerindən uzaqlaşıblar. Onların saxlanılıb-saxlanılmaması barədə məlumat verilməyib. Hadisə zamanı 62 nəfər ölüb, 147 nəfər yaralanıb.

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top