İşçi damdan yıxılaraq öldü

Türkiyədə 19 yaşlı işçi işlədiyi yerin damından yıxılaraq ölüb.

Demokrat.az xəbər verir ki, bu barədə "Habertürk" məlumat yayıb.

Bildirilib ki, hadisə Türkiyənin Çorum vilayətində baş verib.

Gənc polad dam örtüyü döşəyərkən, 9 metr hündürlükdən beton döşəməyə yıxılaraq ağır yaralanıb.

Hadisə yerinə dərhal polis və Təcili Tibbi Yardım qrupları gəlib.

Bütün müdaxilələrə baxmayaraq, yaralını xilas etmək mümkün olmayıb.

Faktla bağlı araşdırmalar davam etdirilir.

Aysu
Demokrat.az