Bu gün Türkiyədə baş verən dəhşətli zəlzələdə çox sayda binalar yerlə-yeksan olub. Baş vermiş hadisənin fəsadları onu göstərir ki, sözügedən binalar tektonik ərazidə sıx inşa olunduğu üçün böyük insan ölümünə səbəb olub. Qardaş ölkədə baş vermiş zəlzələ ilə əlaqədar Azərbaycanda binaların təhlükəsizliyi məsələsi yenidən gündəmə gəlməyə başlayıb. Bakının bir sıra ərazilərində binalar inşa edilərkən, təbii fəlakətlərə qarşı nə qədər təhlükəsizlik tədbirlərinə əməl olunması sual doğurur. Paytaxtın mərkəzində inşa olunan əksər hündürmərtəbəli binalar bir-birinə olduqca yaxın məsafədə tikilir. Bu isə gələcəkdə gözlənilən təhlükələrdə risk yaradır.
Məsələ ilə bağlı təhlükəsizlik məsələləri üzrə ekspert Elmar Nurəliyev Demokrat.az-a açıqlamasında deyib ki, güclü zəlzələ fonunda hündürmərtəbli binalarda yaşayan vətəndaşların xəsarət almaq ehtimalı daha yüksəkdir. Onun sözlərinə görə, zəlzələ baş verən ərazilərdə dağıntı və itkilərin miqyası ilk növbədə yaradılmış infrastrukturdan asılıdır:
"Bakıda tikilən binalar minimal olaraq 8 ballıq zəlzələyə davamlı tikilib. On il öncə tikilən bəzi keyfiyyətsiz binalara etibar etmək olmaz. Lakin hazırda tikilən binalar bir-bir yoxlanışdan keçir. Hətta hər mərtəbə qalxdıqca binalarda yoxlama olur".
Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin baş direktoru Qurban Yetirmişli APA-ya bildirib ki, 2019-cu ilə qədər aparılan inşaat zamanı, binaların tikinti işlərində Respublika Seysmoloji Xidmət Mərkəzinə müraciət olunurdu, indi isə belə müraciətlər yoxdur:
"Qeyd edim ki, 8 ballıq zəlzələ zonası ilə müqayisədə 9 ballıq ərazidə tikinti apararkən, hesablanmış normativlərə görə 40 faiz əlavə vəsait qoyulmalıdır. Bu zaman xüsusi dəmir-beton sütunlar, onların ölçüləri, armaturlar və digər məsələlər nəzərə alınmalıdır. Əgər 8 ballıq zonada bina 1 milyon manata başa gəlirsə, 9 ballıqda 1 milyon 400 min manata başa gələcək. Tikinti şirkətləri isə əlavə vəsait xərcləmək və bunun vergisini vermək istəmirlər. Əlbəttə, binaların bir-birinə yaxın tikilməsi, təbii fəlakətlər zamanı çətinliklər yaradacaq".
Nəzrin Hüseynli
Demokrat.az
Məsələ ilə bağlı təhlükəsizlik məsələləri üzrə ekspert Elmar Nurəliyev Demokrat.az-a açıqlamasında deyib ki, güclü zəlzələ fonunda hündürmərtəbli binalarda yaşayan vətəndaşların xəsarət almaq ehtimalı daha yüksəkdir. Onun sözlərinə görə, zəlzələ baş verən ərazilərdə dağıntı və itkilərin miqyası ilk növbədə yaradılmış infrastrukturdan asılıdır:
"Bakıda tikilən binalar minimal olaraq 8 ballıq zəlzələyə davamlı tikilib. On il öncə tikilən bəzi keyfiyyətsiz binalara etibar etmək olmaz. Lakin hazırda tikilən binalar bir-bir yoxlanışdan keçir. Hətta hər mərtəbə qalxdıqca binalarda yoxlama olur".
Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin baş direktoru Qurban Yetirmişli APA-ya bildirib ki, 2019-cu ilə qədər aparılan inşaat zamanı, binaların tikinti işlərində Respublika Seysmoloji Xidmət Mərkəzinə müraciət olunurdu, indi isə belə müraciətlər yoxdur:
"Qeyd edim ki, 8 ballıq zəlzələ zonası ilə müqayisədə 9 ballıq ərazidə tikinti apararkən, hesablanmış normativlərə görə 40 faiz əlavə vəsait qoyulmalıdır. Bu zaman xüsusi dəmir-beton sütunlar, onların ölçüləri, armaturlar və digər məsələlər nəzərə alınmalıdır. Əgər 8 ballıq zonada bina 1 milyon manata başa gəlirsə, 9 ballıqda 1 milyon 400 min manata başa gələcək. Tikinti şirkətləri isə əlavə vəsait xərcləmək və bunun vergisini vermək istəmirlər. Əlbəttə, binaların bir-birinə yaxın tikilməsi, təbii fəlakətlər zamanı çətinliklər yaradacaq".
Nəzrin Hüseynli
Demokrat.az
