“Rusiya “ayır-vur” siyasətini həyata keçirir” — Zərdüşt Əlizadə

GÜNDƏM 14 dek 2022, 23:47
“Rusiya Azərbaycan və Ermənistan liderlərinə gələcəyi özü gördüyü kimi hərəkət etdirməyə sövq etmək istəyir. Yəni, hər iki dövlət başçısı elə etsin ki, Rusiyanın təsir imkanları məhdudlaşmasın və hər iki ölkə Rusiyadan asılı vəziyyətdə qalsın”.

Bu fikirləri Demokrat.az-a açıqlamasında politoloq Zərdüşt Əlizadə deyib.

Politoloq bunun çıxış yolunun olduğunu da qeyd edib: “Bunun çıxış yolu yalnız ondan ibarətdir ki, Azərbaycan-Ermənistan rəhbərləri öz aralarında ümumi hər hansı bir razılığa gəlməli və ortaya birgə mövqe qoymalıdırlar. Ondan sonra Rusiya heç nə edə bilməyəcək. Amma indi Rusiya "ayır-vur" siyasətini həyata keçirir. Yəni, Ermənistanın əliylə bizi, bizim əlimizlə Ermənistanı vura-vura öz istəklərinə nail olmağa çalışır. Bütün hər şey hər iki dövlət başçısının siyasi iradəsindən asılıdır. Əgər siyasi iradə ortaya qoyub mövqelərini uyğunlaşdırsalar və vahid cəbhədə çıxış etsələr, Rusiyanın "ayır-vur" siyasəti iflasa uğrayacaq”.

Nəzrin
 Demokrat.az

DİGƏR XƏBƏRLƏR

XƏBƏR LENTİ
Top