Aydın Mirzəzadə: “Azərbaycan "Formula-1" yarışını ən yüksək səviyyədə keçirən bir ölkədir”

GÜNDƏM 04 okt 2022, 21:12
“Azərbaycanın dövlətçiliyinin inkişafında qazandığı bütün uğurlar Ermənistanda, erməni diaspor dairələrində böyük bir qıcıq yaradır. Onlar beynəlxalq ictimaiyyətə Azərbaycan haqqında ancaq mənfi fikirlər söyləməklə məşğuldurlar”.

Bu fikirləri Demokrat.az-a açıqlamasında Milli Məclisin deputatı Aydın Mirzəzadə deyib.

Deputat əlavə edib ki, ancaq beynəlxalq ictimaiyyət bu gün onların yalan danışdığını, Azərbaycanın isə bütün sahələrdə uğur qazandığını, uğurlarının çoxaldığını görür: “Buna görə də, vaxtaşırı bu və ya digər sahədə Azərbaycana qarşı təxribat törətməyə cəhd edirlər. Səfirliklərimizin qarşısında xuliqanlıq edirlər, indi isə "Formula 1"-ə qarşı mübarizə aparırlar. Bununla yanaşı bir şeyi bilmək lazımdır ki, belə ciddi məsələlər hansısa bir etnik qrupun istəyi və ya çağırışı ilə həll edilmir. "Formula-1" yarışları ildə 24 ölkədə keçirilir. Onlarla ölkələr öz ölkəsində keçirilməsini istəyərdilər, amma bunun üçün hansısa ya ölkə imtina etməlidir, ya da uyğunsuzluq olmalıdır. Azərbaycan isə bu gün "Formula-1" yarışını ən yüksək səviyyədə, dünyanın diqqətini cəlb edən formada keçirən bir ölkədir. Heç bir halda "Formula-1" Azərbaycan Qran-prisinə kölgə salmaq mümkün deyil. Hesab edirəm ki, əvvəllər olduğu kimi, bu dəfə də ermənilər öz istəklərində məğlubiyyətə uğrayacaqlar”.

Aynurə
Demokrat.az

DİGƏR XƏBƏRLƏR

XƏBƏR LENTİ
Top