ATƏT Ukraynadakı monitorinq missiyasının tezliklə bağlanacağını açıqladı

GÜNDƏM 28 apr 2022, 20:10
ATƏT-in Ukraynadakı xüsusi monitorinq missiyası bağlanacaq.

Bu barədə ATƏT sədri Zbiqnev Rau və Helqa Şmidin birgə bəyanatında deyilir.

"Bu qərar missiyanın mandatının uzadılması ilə bağlı 2022-ci il martın 31-də ATƏT-in Daimi Şurasında konsensusun əldə olunmamasından sonra verilib. Rusiyanın mövqeyi ATƏT-ə missiyanı bağlamaq üçün addımlar atmaqdan başqa seçim qoymayıb", - sənəddə deyilir.

Bəyanatda deyilir ki, missiya yerlərdə obyektiv məlumatların verilməsində, atəşkəsin təşviqində və münaqişənin mülki əhaliyə təsirinin yumşaldılmasında mühüm rol oynayıb.
Z.Rau ATƏT-in ölkədəki fəaliyyətini mövcud öhdəliklərə uyğun olaraq davam etdirməyə çalışacağını vurğulayıb:

“Polşanın sədrliyi ATƏT-in Ukraynada gələcək rolunun alternativlərini araşdırmaq üçün iştirakçı dövlətlərlə qarşılıqlı əlaqəni davam etdirməyə imkan verəcək”.
Rusiya Xarici İşlər Nazirliyinin nümayəndəsi Mariya Zaxarova təşkilatı Ukrayna missiyasının fəaliyyətini araşdırmağa çağırıb, onun fikrincə, texniki vasitələrdən Ukrayna tərəfinə yalan məlumatlar ötürülüb. ATƏT cavab olaraq bəyan edib ki, Ukraynadakı missiyada qərəzlilik ittihamları əsassızdır.

Demokrat.az

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top