Rusiyanın Samara vilayətində 5 saylı həbsxanasında baş verən münaqişədə 17 nəfər yaralanıb.
Bu barədə Samaranın ombudsmanı Olqa Qalçova məlumat verib.
Onun sözlərinə görə, hazırda 16 nəfər Federal Cəzaçəkmə Müəssisələri Xidmətinin xəstəxanasında, 1 nəfər isə neyrocərrayiyə xəstəxanasında müalicə alır.
Ombudsman qeyd edib ki, münaqişənin yenidən təkrarlanmaması üçün istintaq briqadası ciddi təhlükəsizlik tədbirləri görüb.
Xatırladaq ki, fevralın 8-da axşam yeməyi zamanı Samarada 5 saylı həbsxanada münaqişə baş verib. Belə ki, həbsxana işçisi məhbusları təhqir edib. Nəticədə məhbuslar mühafizə hasarını qırıb, təfərrüfat korpusuna giriblər. Buradakı münaqişədə məhbuslar yataqları yandırıblar. (Avropa.info)
