Türkiyədən İsrailə gedən gəmini içində olan sərnişinlər yandırıb.
Demokrat.az xəbər verir ki, bu barədə İsrailin Müdafiə Ordusuna istinadən “Haaretz” qəzeti məlumat yayıb.
Hadisə gəmi İsrailə çatandan sonra baş verib. İyunun 9-na keçən gecə İsrail silahlı qüvvələri xarici gəmidə naməlum şəxslərin yanğın törətməsi barədə siqnal alıb.
Araşdırma zamanı məlum olub ki, yanğın iyunun 7-də Türkiyədən yola çıxan, ancaq Panama bayrağı altında üzən gəmidə baş verib.
Yanğının söndürüldüyü bildirilsə də, ölən və xəsarət alanlar barədə heç bir məlumat yoxdur. Hazırda hadisənin kriminal xarakter daşıyıb-daşımaması araşdırılır.
