Azərbaycan Sənaye Korporasiyasının baş direktoru, Milli Məclisin deputatı Kamran Nəbizadə Bakının restoranlarından birində sərxoş halda dava salması ilə bağlı yayılan məlumatlara münasibət bildirib.
Demokrat.Az-ın xəbərinə görə. K.Nəbizadə deyib ki, barəsində yayılan məlumatlar həqiqəti əks etdirmir:
"Yalan xəbərdir".
Xatırladaq ki, deputatın sərxoş halda restoranda dava salması ilə bağlı məlumatı "Virtualaz.org" saytı yayıb.
Məlumatda bildirilir ki, K. Nəbizadəni restoranın mühafizəçiləri sakitləşdirib. Daha sonra isə o, şəxsi avtomobili ilə evinə yola salınıb.
