Türkiyənin məşhur "Yeşilçam" filmlərində "Ayşecik" obrazı ilə tanınan aktrisa Zeynep Değirmencioğlu uzun illərdən sonra yenidən gündəmə gəlib.
Demokrat.az 72 yaşlı sənətçi restoranda yemək yeyərkən görüntülənib. Onun illər sonrakı görünüşü sosial şəbəkələrdə maraq doğurub.
Hələ iki yaşında olarkən kamera qarşısına keçən Zeynep Değirmencioğlu "Ayşecik" obrazı sayəsində böyük şöhrət qazanıb. O, 20 yaşına qədər müxtəlif film layihələrində iştirak etsə də, karyerasının ən uğurlu dövründə aktyorluq fəaliyyətini dayandırıb.
Məşhur aktrisa həmin dövrün tanınmış futbolçularından olan, "Fənərbağça" ilə əlaqəli Serkan Acarla ailə qurduqdan sonra kino dünyasından uzaqlaşıb və bir daha ekranlara qayıtmayıb.
Hazırda İstanbulda daşınmaz əmlak sahəsində çalışan Değirmencioğlunun son görüntüləri pərəstişkarlarının diqqətini çəkib. O, restoran ziyarəti zamanı sevənləri ilə xatirə şəkilləri də çəkdirib.
