Avqust-sentyabr aylarında milçəklər xüsusilə çoxalaraq insanları narahat edir. Bu həşəratlar təkcə rahatlığı pozmur, həm də təhlükəli bakteriyalar daşıya bildiyindən onlarla mübarizə aparmaq vacibdir. Bununla belə, kimyəvi vasitələrdən istifadə etmədən də milçəkləri uzaqlaşdırmaq mümkündür.
Demokrat.az xəbər verir ki, Kobieta.dziennik.pl saytı ədviyyatların köməyi ilə həşəratları uzaqlaşdırmağın sadə və təbii üsulundan yazıb.
Mətbəx milçəklər üçün xüsusilə cəlbedicidir. Burada çoxlu qida qalıqları və həşəratların sevdiyi yetişmiş meyvələr olur. Milçəklər qidaya qonduqda onun üzərində bakteriya və mikroblar qala bilər. Buna görə də onların evdəki sayını mümkün qədər tez azaltmaq vacibdir.
Milçəkləri uzaqlaşdırmaq üçün təbii vasitələrdən darçın və kayen bibərindən istifadə etmək olar. Güclü qoxuya malik bu ədviyyatlar son dərəcə həssas iybilmə qabiliyyətinə malik olan milçəklərin xoşuna gəlmir. Xüsusilə darçın və kayen bibərinin qoxusu onları narahat edir.
Bu ədviyyatları mətbəxdə gündəlik təmizlik zamanı yerləşdirmək olar. Məsələn, zibil torbasını dəyişdirərkən zibil qabının dibinə nazik qatla darçın və bibər səpmək mümkündür.
Bu ədviyyatlar qida qoxularını effektiv şəkildə maskalayır və eyni zamanda milçəklərin istiqamətini itirməsinə səbəb olur. Darçının qoxusu isə insanlar üçün, bir qayda olaraq, xoşdur və narahatlıq yaratmır.
Həşəratlarla mübarizənin digər üsulları
Yayın sonu və payızın əvvəlində mətbəxdə meyvə milçəklərinə də tez-tez rast gəlinir. Onları qida qalıqları cəlb edir. Bu həşəratlar hətta kanalizasiya borularında və qida tullantılarının üyüdücülərində də çoxala bilirlər.
Lakin bu zəhlətökən həşəratlardan xilas olmağa və onların yenidən ortaya çıxmasının qarşısını almağa kömək edən bir neçə sadə üsul var.
Jalə Demokrat.az
