Bakıda təcili tibbi yardım maşını qəzaya düşdü — xəsarət alanlar var (FOTOLAR)

HADİSƏ 24 yan 2020, 22:56

Bakının Sabunçu rayonunda yol-nəqliyyat hadisəsi baş verib.

 

Hadisə Sabunçu-Zabrat yolunda qeydə alınıb.

 

9 saylı Təcili Yardım Stansiyasının təcili təxirəsalınmaz tibbi yardım xidmətinin avtomobili çağırışdan geri dönərkən Kərimli Samir İlham oğlunun idarə etdiyi “Hyundai” markalı avtomobillə toqquşub. 

 

Qəza nəticəsində tibb bacısı, sürücü və feldşer xəsarət alıb. "Hyundai" markalı avtomobildə olan xanım sərnişin də yaralanıb.

 

Yaralılar 1 saylı şəhər xəstəxanasına yerləşdiriliblər.

 

Əraziyə Sabunçu Rayon Polis İdarəsinin əməkdaşları cəlb edilib. Hər iki sürücü Sərxoşluğun Təyin Edilməsi Məntəqəsinə aparılıb.

 

Faktla bağlı araşdırma aparılır. (APA)

Bakıda təcili tibbi yardım avtomobili qəzaya uğrayıb, tibb işçiləri xəsarət alıb - FOTO

 

 

Demokrat.az

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top