Texnologiya nəhəngi "Apple"ın gələcək flaqman modeli olan "iPhone 18 Pro" haqqında ilk ciddi məlumatlar yayılıb.
Demokrat.az xəbər verir ki, ortaya çıxan prototip görüntüləri cihazda inqilabi dəyişikliklərin olacağını göstərir.
"Dynamic Island" kiçilir, ekran genişlənir
Sızdırılan məlumatlara görə, yeni modeldə ekranın yuxarı hissəsində yer alan "Dynamic Island" (Dinamik Ada) sahəsi əhəmiyyətli dərəcədə kiçiləcək. Xüsusilə "iPhone 18 Pro Max" modelində bu sahənin 25-30 faiz daralacağı gözlənilir. Bu, istifadəçilərə daha geniş və kəsintisiz ekran təcrübəsi təqdim edəcək.
Ekranaltı "Face ID" texnologiyası gəlir
"Apple" bu kiçilməyə "Face ID" sisteminin bir hissəsi olan infraqırmızı sensoru ekranın altına yerləşdirməklə nail olmağı planlaşdırır. Kamera və digər sensorlar isə daha kompakt bir oyuqda yer alacaq.
Kamera və performansda yeniliklər
"iPhone 18 Pro" seriyasında ilk dəfə olaraq dəyişən diafraqmalı ana kameradan istifadə ediləcəyi bildirilir. Bu isə peşəkar fotoşəkillər üçün yeni imkanlar yaradacaq. Cihazın TSMC-nin 2nm texnologiyası ilə hazırlanan yeni prosessorla təchiz ediləcəyi və daha yüksək enerji səmərəliliyi təmin edəcəyi gözlənilir.
Təqdimat tarixi dəyişə bilər
İddialara görə, "Apple" təqdimat strategiyasında dəyişiklik edərək "Pro" modellərini sentyabrda, standart modelləri isə yaz aylarında satışa çıxara bilər.
Demokrat.az
