"Azərbaycanda quru sərhədlərin bağlanmasının səbəbi heç də pandemiya ilə bağlı deyil".
Bu fikirləri Demokrat.az-a açıqlamasında iqtisadçı alim, sabiq deputat Nazim Baydəmirli deyib.
Sabiq deputat qeyd edib ki, ən azı 1 ildən yuxarı müddətdə bunu başqa ölkələrlə müqayisə etdikdə, region dövlətlərin hamısının sərhədləri açıq olduğunu görürük:
"Dünyada pandemiyanın bitdiyi haqqında hamı bilirdi. Əlbəttə ki, quru sərhədlərin bağlı qalması Azərbaycan vətəndaşlarını çox ciddi narahat edir. Çünki kommunikasiyaları azaldır, eyni zamanda sosial-iqtisadi məsələlərdə problemlər yaşadır. Azərbaycan hökuməti isə vətəndaşların xeyrinə qərar qəbul etmək istəmir".
Nazim Baydəmirli bildirib ki, quru sərhədlərinin bağlı olması həm də geosiyasi vəziyyətlə əlaqəli ola bilər:
"Təbii ki, sərhədlərin bağlı olması həm geosiyasətlə, həm də daxili siyasətlə bağlı ola bilər. Yəni, siyasi səbəblərdən sərhəd bağlıdır, qərarı isə yalnız dövlət verə bilər".
Aynurə Demokrat.az
