Salyanda Vətən müharibəsi şəhidlərinin xatirəsinə həsr olunmuş rayon birinciliyi keçirildi — FOTOLAR


SOSİAL 12 okt 2021, 16:37
Bu gün Salyan  rayon  Gənclər və  İdman  İdarəsi  və  Salyan  rayon  Təhsil   Şöbəsinin  birgə  təşkilatçılığı  ilə   Salyan  Olimpiya  İdman  Kompleksində  Vətən müharibəsi Şəhidlərinin xatirəsinə həsr olunmuş  “Vətənin  müdafiəsinə hazıram” çoxnövçülüyü  üzrə rayon birinciliyi  keçirilib.  

Demokrat.az xəbər verir ki, ilk  öncə  torpaqlarımızın  bütövlüyü   uğurunda  canlarından  keçmiş  şəhidlərimizin  əziz  xatirəsi  bir  dəqiqəlik  sükutla yad  edilib. 

Tədbirdə  çıxış  edən  Salyan  rayon  Gənclər  və  İdman  İdarəsinin  rəis   müavini   Aqşin  Qasımov  yarış  iştirakçılarını  salamlayaraq bildirib ki, Vətən müharibəsi xalqımızın igidlik  salnaməsində  yeni  bir səhifə  yazıb. Bu gün Azərbaycan ordusu xalqımıza məxsus olan zəngin hərbi ənənələri böyük məsuliyyət və şərəflə davam etdirərək  ərazi  bütövlüyümüzü  bərpa  edib.  Qeyd edib ki, əsas  məqsəd  Çağırışa qədər və çağırış yaşlı  gənclərin Vətənin  müdafiəsinə mənəvi və  fiziki cəhətdən hazırlamaq, gənclərdə Vətənə məhəbbət və vətənpərvərlik hissini artırmaq, “VMH” poliatlon çoxnövçülüyünü yeniyetmə və gənclər arasında təbliğ etməkdir.

Daha sonra  çıxış  edən  Salyan  rayon  Təhsil  Şöbəsinin  metodisti  Emin  Məlikov  bildirib  ki, yarışın  keçirilməsi həmçinin rayonda   ümumtəhsil  məktəblərinin  idman klublarının  işini  fəallaşdırmaq, təkmilləşdirmək və  “Vətənin müdafiəsinə  hazıram”  çoxnövçülüyünü  təbliğ etməyə  xidmət edir.

4 növçülük üzrə ( 100 metr və 2000 metr məsafəyə qaçış, turnikdə dartınma və qumbara atmaq) keçirilən “Vətənin  müdafiəsinə  hazıram”  çoxnövçülüyü   üzrə  rayon  birinciliyinin sonunda  ən yüksək xal toplayan komandalardan  Salyan  rayon  Yuxarı  Xalac-2 saylı kənd   tam  orta  məktəbin  komandası  III  yeri, Salyan  şəhər  8  saylı tam  orta  məktəbin  komandası II  yeri,  Salyan  rayon  Qarabağlı-1  saylı  kənd   tam  orta  məktəbin  komandası I  yeri  qazanıb.  Salyan  şəhər  6  saylı  tam  orta  məktəbin  və  Salyan  rayon  Seyidsadıqlı  kənd tam  orta  məktəbin   komandası  yarışda yüksək çıxışı ilə  fərqlənən komanda  olub

Birinciliyin   qalibləri  və  fərqlənmiş  iştirakçıları  Salyan  rayon  Gənclər  və  İdman  İdarəsinin  diplomları ilə  təltif edilib.

No description available.No description available.No description available.No description available.

Demokrat.az


DİGƏR XƏBƏRLƏR

XƏBƏR LENTİ
Top