Bu ilin əvvəlindən ARDNF-in aktivləri 2% azalıb


MALİYYƏ 03 may 2021, 14:47
Bu ilin I rübündə Dövlət Neft Fondunun (ARDNF) büdcə gəlirləri 3 182,1 milyon manat, büdcə xərcləri isə 2 519,9 milyon manat təşkil edib.

Demokrat.az bu barədə Fonda istinadən xəbər verir.

Məlumata görə, yanvar-mart aylarında ARDNF-nin neft və qaz sazişlərinin həyata keçirilməsi ilə bağlı gəlirləri 2 468,1 milyon manat, o cümlədən mənfəət neftinin və qazın satışından gəlirləri 1 696,6 milyon manat, bonus ödənişləri 765,9 milyon manat, tranzit gəlirləri 5,6 milyon manat təşkil edib. Fond vəsaitinin idarə olunmasından isə 714 milyon manat gəlir əldə edib.

Hesabar dövründə ARDNF 2021-ci il üzrə büdcəsinin icrası çərçivəsində dövlət büdcəsinə 2 513,7 milyon manat vəsait transfert edib, “2019-2023-cü illər üçün ali təhsil sisteminin beynəlxalq rəqabətliliyinin artırılması üzrə Dövlət Proqramı”nın maliyyələşdirilməsinə 0,7 milyon manat vəsait yönəldib, Fondun idarə edilməsi ilə bağlı xərcləri isə 5,5 milyon manat təşkil edib.

Qurumun valyuta məzənnələrinin dəyişməsindən yaranan fərq ilə bağlı büdcədənkənar xərci isə 2 027,5 milyon manat olub.

Bu il aprelin 1-ə ARDNF-in aktivləri ötən ilin sonuna nisbətən 1,8% azalaraq 42 761,3 milyon ABŞ dollarına düşüb. Büdcə gəlirlərinin büdcə xərclərini üstələməsinə baxmayaraq aktivlərin azalmasına səbəb qızılın qiymətinin düşməsi və investisiya portfelinin tərkibində yer alan əsas valyutaların məzənnələrinin dollara qarşı zəifləməsi olub.

Demokrat.az


DİGƏR XƏBƏRLƏR

XƏBƏR LENTİ
Top