Türkiyədə son gündə yeni növ koronavirusdan 159 nəfər vəfat edib.
Demokrat.az-ın xəbərinə görə, Türkiyənin Səhiyyə naziri Fəxrəddin Qoca açıqlamasında bildirib ki, son 24 saatda simptomları da müəyyən edilməyən xəstələrlə birlikdə daha 6 435 nəfər COVID-19 infeksiyasına yoluxub.
Bu gün yeni növ koronavirusdan sağalan xəstələr 5 932, ağır xəstələr isə 2 102 nəfər olub.
İndiyədək ölkədə koronavirus test nəticəsi pozitiv təyin edilmiş 2 406 216 nəfər COVID-19 xəstəsi olaraq qeydə alınıb. Onlardan 2 283 919 nəfər sağalıb, 24 487 nəfər isə ölüb.
