Paşinyan Sünikə vertolyotla gəldi


DÜNYA 21 dek 2020, 12:49
Sünik sakinlərinin yolu bağlayaraq Nikol Paşinyanın bölgəyə girməsinə mane olmasına baxmayaraq Baş nazir bölgəyə daxil ola bilib.

Demokrat.az xəbər verir ki, Paşinyanın bölgəyə girməsinin qarşısını almaq üçün yolu bağlayan Sünik sakinləri başları üzərində vertolyotun hərəkət etdiyini müşahidə ediblər.

“Bu odur, başqa kim olacaq?! Üstümüzdən uçmaq istəyir”, - deyə sakinlər qışqıraraq “Nikol xaindir” şüarını səsləndirməyə başlayıblar.

“Onlar bölgələri üçün deyil, bütün Ermənistan naminə etiraz etdiklərini bildiriblər.

Hazırda Paşinyanın Sünik bölgəsinin yaşayış məntəqələrini ziyarət etdiyi və yerli sakinlərlə görüşdüyü bildirilir.

“Divanlarda oturan İrəvan zombiləri Ermənistanda nə baş verdiyini bilmirlər. Dürüst bir insansansa, həqiqətən insanlara yaxınsansa, niyə polislə gəzirsən? Çıx, insanlarla danış”, - deyə etirazçılardan biri Paşinyana müraciət edib.


DİGƏR XƏBƏRLƏR

XƏBƏR LENTİ
Top