Oyun dünyasının ən böyük onlayn platformalarından biri olan "Roblox", "Moments" adlı yeni funksiyasının beta versiyasını istifadəyə verib.
Axşam.az xəbər verir ki, Bu, TikTok-a bənzər şəkildə, istifadəçilərin qısa videolar çəkməsinə və paylaşmasına imkan verən daxili sistemdir.
"Moments" sistemi San-Xosedə keçirilən şirkət konfransında təqdim olunub. İstifadəçilər bu funksiyadan istifadə edərək qısa videolar çəkə və onları Roblox daxilində paylaşa biləcəklər. Sistem eyni zamanda videoların redaktəsi üçün daxili alətlər də təqdim edir.
