Aprelin 13-dən etibarən Yaponiyanın Osaka şəhərində “Həyatımız üçün gələcək cəmiyyəti formalaşdıraq” şüarı altında “Osaka, Kansai Ekspo 2025” dünya sərgisi öz işinə başlayıb. Sərgidə 165 ölkə və 7 beynəlxalq təşkilat iştirak edir.
Demokrat.az xəbər verir ki, Azərbaycan bu nüfuzlu beynəlxalq tədbirdə öz milli pavilyonu ilə təmsil olunur.
Pavilyon çərçivəsində ölkənin bir sıra aparıcı qurumları, o cümlədən “Azərişıq” ASC də ayrıca təqdimatla çıxış edir. Şirkətin təqdimatı çərçivəsində Azərbaycanın enerji sektoru, innovativ yanaşmalar və dayanıqlı inkişaf sahəsində atdığı addımlar ziyarətçilərə nümayiş etdirilir.
