“Bu qarlı havalarda, yollarda yaranan vəziyyət hamımızı narahat edir. Həqiqətən də qurumların yenə də qara hazırlıqsız olduğunu biz gördük”.
Bu sözləri Demokrat.az-a açıqlamasında nəqliyyat üzrə ekspert Elməddin Muradov bildirib.
Ekspert qeyd edib ki, bəzi yollarda təmizlik işləri vaxtında aparıldığı halda, bu il yəqin ki, qar ciddi olaraq nəzərə alınmayıb:
“Ümumiyyətlə, həmin küçələrə köməkçi texnika göndərilməyib ki, vaxtında bu prosesə müdaxilə edilsin. Ona görə fikirləşirəm ki, bu qurumlar qarı ciddi olaraq, nəzərə almayıblar və yaxud da edilən xəbərdarlıqları anlamayıblar. Bu vəziyyət belə bir formada üzə çıxdı”.
Ekspert onu da vurğulayıb ki, təəssüf doğuran hal odur ki, hər il eyni vəziyyət təkrarlanır:
“Payız mövsümünün sonlarında texnikalarını nümayiş etdirirlər ki, hazırıq. Qarla mübarizə bu səviyyədə aparılacaq. Amma Bakıya hələ güclü qar yağmayıb. Bakının bir çox nöqtələri var ki, hazırda yolda qar yoxdur. Amma müəyyən bir hissələrində yağıb, onu da qarşısına ala bilmirlər. Nə qədər hadisə oldu. Kənar dairəvi yolda bir-iki saat ərzində yollar buz bağladı və nə qədər qəzanın şahidi olduq. Dəhşətli hal budur ki, hazırlıqsız görünürlər. Niyə hər il eyni vəziyyət təkrar olunur? Bunlar bilmir ki, hansı nöqtələr buz bağlayır və hansı nöqtələrə qüvvə, kömək lazımdır? Bunu çox yaxşı bilirlər. Sadəcə, məsuliyyətsizdirlər. Müəyyən bir nöqtədə texnikaları qoyurlar, şəkil çəkdirirlər, paylaşırlar və bununla da işlərini bitmiş hesab edirlər. Məsuliyyətsizlik hər il davam edir. İnsanlar bununla əziyyət çəkir, ziyan çəkir. Amma hamısı bir ağızdan deyir ki, bütün texnikalarımız, bütün avadanlıqlarımız, bütün işçilərimiz küçələrdədir, xidmət aparırlar. Onda belə çıxır ki, ya vətəndaş, ya da qurum yalançıdır. Amma təcrübə sübut edir ki, qurumlar yalan danışmaqla məşğuldur”.
Leyla Turan
Demokrat.az
Bu sözləri Demokrat.az-a açıqlamasında nəqliyyat üzrə ekspert Elməddin Muradov bildirib.
Ekspert qeyd edib ki, bəzi yollarda təmizlik işləri vaxtında aparıldığı halda, bu il yəqin ki, qar ciddi olaraq nəzərə alınmayıb:
“Ümumiyyətlə, həmin küçələrə köməkçi texnika göndərilməyib ki, vaxtında bu prosesə müdaxilə edilsin. Ona görə fikirləşirəm ki, bu qurumlar qarı ciddi olaraq, nəzərə almayıblar və yaxud da edilən xəbərdarlıqları anlamayıblar. Bu vəziyyət belə bir formada üzə çıxdı”.
Ekspert onu da vurğulayıb ki, təəssüf doğuran hal odur ki, hər il eyni vəziyyət təkrarlanır:
“Payız mövsümünün sonlarında texnikalarını nümayiş etdirirlər ki, hazırıq. Qarla mübarizə bu səviyyədə aparılacaq. Amma Bakıya hələ güclü qar yağmayıb. Bakının bir çox nöqtələri var ki, hazırda yolda qar yoxdur. Amma müəyyən bir hissələrində yağıb, onu da qarşısına ala bilmirlər. Nə qədər hadisə oldu. Kənar dairəvi yolda bir-iki saat ərzində yollar buz bağladı və nə qədər qəzanın şahidi olduq. Dəhşətli hal budur ki, hazırlıqsız görünürlər. Niyə hər il eyni vəziyyət təkrar olunur? Bunlar bilmir ki, hansı nöqtələr buz bağlayır və hansı nöqtələrə qüvvə, kömək lazımdır? Bunu çox yaxşı bilirlər. Sadəcə, məsuliyyətsizdirlər. Müəyyən bir nöqtədə texnikaları qoyurlar, şəkil çəkdirirlər, paylaşırlar və bununla da işlərini bitmiş hesab edirlər. Məsuliyyətsizlik hər il davam edir. İnsanlar bununla əziyyət çəkir, ziyan çəkir. Amma hamısı bir ağızdan deyir ki, bütün texnikalarımız, bütün avadanlıqlarımız, bütün işçilərimiz küçələrdədir, xidmət aparırlar. Onda belə çıxır ki, ya vətəndaş, ya da qurum yalançıdır. Amma təcrübə sübut edir ki, qurumlar yalan danışmaqla məşğuldur”.
Leyla Turan
Demokrat.az
