COP29 çərçivəsində jurnalistlərə açıqlamasında Millətlər Birliyi təşkilatının ("Commonwealth of Nations") Baş katibi Patrisia Canet Skotland iqlim maliyyəsi ilə bağlı razılığın əldə olunmasının vacibliyini bildirib. O deyib ki, bizim başqa seçimimiz yoxdur: “İnkişaf etməkdə olan kiçik ada dövlətləri ya dəniz səviyyəsinin qalxması nəticəsində su altında qalır, ya da iqlim böhranı səbəbindən aldıqları borcları ödəyə bilmirlər", - o vurğulayıb.
Qonağın sözlərinə görə, bu mənada dünya kiçik ada dövlətlərinin mövcudluğu ilə bağlı qərar verməlidir: "Onların mövcudluğu ilə bağlı təhdidlər sabahın deyil, məhz bu günün problemidir. Odur ki, planeti xilas etmək üçün maliyyə vəsaiti tapmalıyıq".
Millət vəkili Vüqar Bayramov məsələyə Demokrat.az-a açıqlamasında məsələ münasibət bildirib. Deputat söyləyib ki, iqlim dəyişikliyinə qarşı mübarizə və “yaşıl iqtisadiyyat”ın formalaşmasında qlobal təşəbbüslərin mobilizasiyası və bu kontekstdə razılığın əldə edilməsi çox vacibdir:
“Azərbaycan COP29-u təşkil etməklə təkcə iqlimlə bağlı problemləri qaldırmır, həm də bu sahədə görüləcək işlər və atılacaq addımlarla bağlı konkret mexanizmlər təklif edir. Bu mexanizmlərdən biri də məhz maliyyələşdirmənin optimallaşdırılması və mobilizasiyasıdır. İnkişaf etmiş ölkələrin yaşıl iqtisadiyyatın formalaşmasında və inkişaf etdirilməsində rolunun artırılması və iqlim dəyişmələri ilə mübarizədə inkişaf etmiş ölkələrin töhfəsinin, eləcə də maliyyə dəstəyinin artırılmasına nail olmalıyıq. Bu istiqamətdə razılığın əldə edilməsi növbəti dövrdə qlobal hədəflərə nail olunması və qlobal çağırışlara qarşı mübarizə aparılması üçün vacibdir.
COP29 bötövlükdə qlobal yaşıl iqtisadiyyatın formalaşmasında yeni bir mərhələ yaradacaq. COP29 yeni alətlərdən istifadə və qlobal səyləri birləşdirməyi gündəmə gətirdi. Bu istiqamətdə müzakirələrin genişlənməsi mühümdür. COP29-un yekun sənədinin dəstəklənməsi vacibdir. Bu, qlobal çağırışlara çevik reaksiya verilməsi baxımından olduqca əhəmiyyətlidir”.
Törə Zeynallı
Demokrat.az
Qonağın sözlərinə görə, bu mənada dünya kiçik ada dövlətlərinin mövcudluğu ilə bağlı qərar verməlidir: "Onların mövcudluğu ilə bağlı təhdidlər sabahın deyil, məhz bu günün problemidir. Odur ki, planeti xilas etmək üçün maliyyə vəsaiti tapmalıyıq".
Millət vəkili Vüqar Bayramov məsələyə Demokrat.az-a açıqlamasında məsələ münasibət bildirib. Deputat söyləyib ki, iqlim dəyişikliyinə qarşı mübarizə və “yaşıl iqtisadiyyat”ın formalaşmasında qlobal təşəbbüslərin mobilizasiyası və bu kontekstdə razılığın əldə edilməsi çox vacibdir:
“Azərbaycan COP29-u təşkil etməklə təkcə iqlimlə bağlı problemləri qaldırmır, həm də bu sahədə görüləcək işlər və atılacaq addımlarla bağlı konkret mexanizmlər təklif edir. Bu mexanizmlərdən biri də məhz maliyyələşdirmənin optimallaşdırılması və mobilizasiyasıdır. İnkişaf etmiş ölkələrin yaşıl iqtisadiyyatın formalaşmasında və inkişaf etdirilməsində rolunun artırılması və iqlim dəyişmələri ilə mübarizədə inkişaf etmiş ölkələrin töhfəsinin, eləcə də maliyyə dəstəyinin artırılmasına nail olmalıyıq. Bu istiqamətdə razılığın əldə edilməsi növbəti dövrdə qlobal hədəflərə nail olunması və qlobal çağırışlara qarşı mübarizə aparılması üçün vacibdir.
COP29 bötövlükdə qlobal yaşıl iqtisadiyyatın formalaşmasında yeni bir mərhələ yaradacaq. COP29 yeni alətlərdən istifadə və qlobal səyləri birləşdirməyi gündəmə gətirdi. Bu istiqamətdə müzakirələrin genişlənməsi mühümdür. COP29-un yekun sənədinin dəstəklənməsi vacibdir. Bu, qlobal çağırışlara çevik reaksiya verilməsi baxımından olduqca əhəmiyyətlidir”.
Törə Zeynallı
Demokrat.az
