Mütəxəssisdən qızılca XƏBƏRDARLIĞI: 0-6 aylıq körpələr...

SOSİAL 31 yan 2024, 15:11
Türkiyə Klinik Mikrobiologiya və Yoluxucu Xəstəliklər Dərnəyinin (KLİMİK) prezidenti professor-həkim Serap Şimşək Yavuz 2022-ci ilin sonundan bəri ciddi bir epidemiya olduğunu, epidemiyanın İstanbuldan qaynaqlandığını bildirib.

Demokrat.az bu barədə Türkiyə mediasına istinadən xəbər verir.

Ötən il Türkiyədə qızılcaya yoluxma hallarının artmasından Serap Şimşək Yavuz, "2022-ci ilin sonu və 2023-cü ilin yanvarında başlayan ciddi bir epidemiya var idi. Türkiyə qızılca xəstəliyi baxımından İstanbuldan qaynaqlanırdı", - deyə bildirib.

Epidemiya ilə əlaqədar xəbərdarlıq edən Yavuz peyvəndləri diqqət çatdırıb.

"Türkiyədə 2022-ci ilin sonunda, 2023-cü ilin yanvarından başlayaraq İstanbuldan qaynaqlanan qızılca ilə bağlı ciddi bir epidemiya yaşandı. İstanbulda çoxlu yoluxma hallar gördük, böyüklər də gördük. Qızılcaya qarşı çox təsirli peyvəndimiz var, qrip və COVID peyvəndlərini dəyişdirərək istifadə etməliyik, hər zaman yeni peyvənd gözləyirik. Biz qızılca ilə təmasda olsaq belə, ona qarşı immunitet əldə edə bilərik. İstədiyimiz immuniteti bir və ya iki doza peyvəndlə əldə edə bilərik", - deyə Şimşek Yavuz bildirib.

Qızılca peyvəndinin bir çox peyvəndlə müqayisədə uzunmüddətli bir peyvənd olduğunu izah edən Yavuz sözlərini belə davam etdirdi:

"Qızılca peyvəndini iki dəfə etdiririk və bitdi, başqa vaksin lazım deyil. Göyöskürək peyvəndinin yeniyetməlik səviyyəsinə çatdıqda, effektivliyi bir qədər azalır və yetkinlik dövründə, gücləndirici doza verilmədikdə, peyvəndin effektivliyi bir qədər də azalır. Buna görə də, böyüklər və ya uşaqlar göyöskürək olanda uzun müddət öskürürlər. Bu, bronxit dediyimiz bir vəziyyətə səbəb olur və onlar göyöskürək bakteriyaları ilə xəstələnə bilərlər. Öskürəkdən əziyyət çəkən insanlar 0-6 aylıq uşaqları boğmacanın çox şiddətli keçdiyi və hələ peyvənd immuniteti formalaşmamış uşaqları yoluxdururlar. 6 aya qədər göyöskürək immuniteti formalaşmadığı üçün 0-6 aylıq yaş qrupu göy öskürək baxımından çox təhlükəlidir. 0-6 aylıq yaşlarını qorumaq üçün hamilə qadınları tetanoza qarşı peyvənd etdiyimiz kimi, onların da tərkibində göy öskürək olan vaksin vurulması lazımdır. Göyöskürək baxımından 0-6 aylıq körpələri qorumağın başqa yolu yoxdur, onları yalnız anadan ötürülən antikorlarla həmin aylarda qorunmaq olar".

Onun sözlərinə görə, Türkiyənin hamiləlik peyvəndinə daha çox diqqət yetirməsi lazımdır. Hamilə qadınlar da qrip və COVID baxımından yüksək risk altındadır:

"Onların ölüm riski yüksəkdir. İllərdir qızılcadan ölüm halı görməmişik, bu çox gözəl haldır. İndi göy öskürək, difteriya, məxmərək, suçiçəyi, meningit çox nadir hallarda rast gəlinir, bunlar çox yaxşı şeylərdir. Peyvənd olunmağa tərəddüd edən qrup əslində yanlış məlumatlı insanlardır. Peyvənd edilmədiyi üçün, COVID, qrip səbəbiylə həyatını itirən hamilə qadınlar var. Hamilə qadınlar, həqiqətən, ayrıca diqqət edilməli xüsusi bir qrupdur".

Ümumdünya Səhiyyə Təşkilatı (ÜST) 2023-cü ilin yanvar-oktyabr ayları arasında Avropa regionunda 30 mindən çox qızılca hadisəsinin qeydə alındığını və bu rəqəmin 2022-ci ildə görülən 941 hadisənin sayından 30 dəfə çox olduğunu açıqlayıb.

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top