BMT zəlzələ ilə əlaqədar beynəlxalq ictimaiyyəti yardıma çağırıb

BMT-nin baş katibi Antonio Quterreş beynəlxalq ictimaiyyəti zəlzələnin nəticələrinin aradan qaldırılmasında Suriya və Türkiyəyə kömək etməyə çağırıb.

“BMT yardım göstərməyə tam hazırdır. Bölgədəki komandalarımız ehtiyacları qiymətləndirir və yardım göstərir”, - Baş katib bazar ertəsi yaydığı bəyanatda bildirib.

Quterreş həlak olanların ailələrinə və yaxınlarına başsağlığı verib.