Naxçıvanda yol qəzası zamanı iki nəfər xəsarət aldı

Naxçıvan-Şahbuz magistralında ağır yol qəzası baş verib.

Demokrat.az xəbər verir ki, gecə saat 3-4 radələrində "Niva" markalı avtomobil yoldan çıxıb.

Nəticədə, avtomobildə olan sərnişinlər 1991-ci il təvəllüdlü Şahbuz rayon sakinləri Ruhin Cəfərov və 2002-ci təvəllüdlü Hüseyn Hüseynov ağır bədən xəsarətləri alıblar.

Naxçıvan Muxtar Respublika Xəstəxanasında yerləşdirilən zərərçəkənlərin vəziyyəti orta-ağırdır.

Faktla bağlı araşdırma aparılır.