35 saylı Xətai üçüncü Seçki Dairəsində yarış indidən başlayıb. Demokratik düşərgənin və media sektorunun əsas simalarından birmənalı dəstək alan Yeni Müsavat Media Qrupunun sahibi Rauf Arifoğlu bu dairənin və ümumilikdə seçki prosesinin favoritinə çevrilib.
Hər gün onlarla tanınmış ziyalı, ictimai -siyasi xadim, qəzetçi, sadə vətəndaşlar R.Arifoğlunun seçki qərargahını ziyarət edir, onunla xatirə fotosu çəkdirir və dəstəyini ifadə edir. Bu gün onlardan biri də Demokrat.az saytının rəhbəri, tanınmış imza sahibi Vasif Həsənli oldu. Seçki qərargahını ziyarət edən Vasif Həsənli seçki prosesinin gedişatı ilə maraqlanıb və həmkarına dəstəyini ifadə edib.
