Türkiyənin Eskişehir şəhərində sərnişin mikroavtobusu ilə yük avtomobilinin toqquşması nəticəsində xeyli yaralı var.
Demokrat.az Sputnik Azərbaycan-a istinadən bildirir ki, Eskişehirdə "Bursaspor" futbol klubunun azərkeşlərini daşıyan mikroavtobusun yük avtomobili ilə toqquşması nəticəsində 17 nəfər yaralanıb.
Sərnişin mikroavtobusu Eskişehir-Ankara yolunun 10 kilometrliyində yük maşını ilə toqquşub.
Qəzada yaralanan 17 nəfər xəstəxanalara aparılıb. Onların həyati təhlükəsi yoxdur.
Qəzada yaralanan 17 nəfər "Bursaspor"un bu gün "Adanaspor" ilə oynayacağı oyuna gedirmiş.