"İstefa ərizəmi təqdim etməyimlə bağlı xəbər doğrudur".
Demokrat.az bildirir ki, bunu APA-ya açıqlamasında Azərbaycan Milli Elmlər Akademiyasının (AMEA) prezidenti, akademik Akif Əlizadə deyib. O qeyd edib ki, səhhəti ilə əlaqədar istefa vermək qərarına gəlib: "Bu gün saat 11:00-da Rəyasət Heyətində AMEA-nın Ümumi yığıncağı olacaq və Akademiyaya yeni prezident seçkiləri keçiriləcək. Güman edirəm ki, mənim də ərizəm qəbul olunacaq".
Bununla, Demokrat.az-ın ötən gün akademiya prezidentinin ərizə yazaraq vəzifəsindən istefa verməsi ilə bağlı xəbəri öz təsdiqini tapıb.
Xatırladaq ki, ötən gün qocaman AMEA prezidentinin istefa xəbərini mətbuatın gündəminə ilk olaraq Demokrat.az gətirmişdi.
