Azərbaycanda bir həftə çölə çıxmağa qadağa qoyulur? — AÇIQLAMA

SOSİAL 16 dek 2020, 17:10
Azərbaycanda gündəlik yoluxanlar 4000-dən, ölənlərin sayı 40-dan çoxdur. Qeyd edək ki, dekabrın 14-dən yanvarın 18-dək bir neçə şəhər və rayonda sərtləşdirilmiş xüsusi karantin rejimi tətbiq edilir. Yoluxanların sayında azalmalar müşahidə olunmasa daha sərt tədbirlərin görüləcəyi iddia edilir. Yəni aprel-may aylarındakı kimi insanların 4 gün çölə çıxmasına qadağa qoyulacağı iddia edilir.

Demokrat.az xəbər verir ki, bununla bağlı danışan Tibb üzrə fəlsəfə doktoru Vasif İsmayıl bildirib ki, tətbiq edilən sərtləşmənin nəticəsini biz 2 həftə sonra görə biləcəyik:

"Əgər həmin dövrdə yoluxanların və ölənlərin sayında azalma olmazsa insanların bir neçə gün çölə çıxmasına qadağa qoyula bilər. Bunun olmasını istəmiriksə, mütləq karantin qaydalarına əməl etməliyik. Burada əsas maskadan düzgün istifadə və sosial məsafəni qorumaqdır. Əvvəl 65 yaşdan yuxarı insanlar üçün qorxulu idisə, bu gün hər yaşdan olan insanlar xüsusilə gənclər bu xəstəlikdən dünyasını dəyişir. Ona görə də qaydalara əməl edərək həm özümüzü, həm də yaxınlarımızı qorumalıyıq".(sonxeber.az)

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
28 mar 2024, 17:53
Top