“Ölkəmizdə koronavirusa yoluxanların 54 faizi qadınlardır”.
Demokrat.az xəbər verir ki, bunu Nazirlər Kabineti yanında Operativ Qərargahın mətbuat konfransında çıxış edən TƏBİB-in İdarə Heyətinin sədri Ramin Bayramlı qeyd edib.
Ramin Bayramlı bildirib ki, bugünkü test sayı 4127, ümumi test sayı isə 114 410-dur:
“Ümumi yoluxma 1592, ölüm halı isə 21-dir. Ölkədə ümumi sağalanların sayı 1013, aktiv xəstələrin sayı 558-dir. Hazırda reanimasiyada olan xəstə sayı 20 nəfərdir. Bu xəstələr əsasən Mərkəzi Neftçilər Xəstəxanası və “Yeni klinika”da olanlardır”.(yenicag.az)
