Rusiya ilə münaqişənin sonu atəşkəslə başlamalıdır.
Oxu.Az xəbər verir ki, Ukrayna Prezidenti Volodimir Zelenski "Telegram" kanalında qarşıdurmaya son qoymaq üçün belə bir şərt irəli sürüb.
"Bu müharibənin sonu qeyd-şərtsiz atəşkəslə, tələb olunan sükutla başlamalıdır. Hər kəs bu mövqeni başa düşür və dəstəkləyir", - Zelenski Hindistanın Baş naziri Narendra Modi ilə söhbəti barədə məlumat verərkən yazıb.
"Şəhərlərimiz davamlı atəş altında olanda sülhdən danışmaq mümkün deyil", - Zelenski bildirib.
Ukrayna liderinin sözlərinə görə, Hindistan atəşi dayandırmaq üçün lazım olan səyləri göstərməyə hazırdır.
