Qarabağla yanaşı Şərqi-Zəngəzur iqtisadi regionunda da dəmiryol infrastrukturu bərpa edilir.
Demokrat.az xəbər verir ki, bunu "Azərbaycan Dəmir Yolları" (ADY) QSC-nin sədrinin müavini Nicat Quliyev Bakı-Ağdam qatarının fəaliyyətə başlaması münasibətilə keçirilən tədbirdə bildirib.
Onun sözlərinə görə , Horadiz-Ağbənd dəmir yolu xəttinin layihələndirilmə işlərinin 84 faizi, tikinti-quraşdırma işlərinin isə 67 faizi yekunlaşıb: "Hazırda xəttin 75-106 kilometrlik hissəsində torpaq işləri və mühəndis qurğularının inşası aparılır. Layihə çərçivəsində Yuxarı Mərcanlı, Şükürbəyli, Soltanlı, Qumlaq, Həkəri, Mincivan, Bartaz və Ağbənd stansiyalarının tikintisi nəzərdə tutulur. Körpülər, avtomobil keçidləri, tunellər, qalereyalar və istinad divarları daxil olmaqla, ümumilikdə 553 mühəndis qurğusunun tikintisi həyata keçiriləcək".
ADY sədrinin müavini qeyd edib ki, Horadiz-Ağbənd xəttinin tikintisini tez bir zamanda tamamlanması və Ermənistan sərhədinə çatdırılması üçün işlər görülür. Artıq Türkiyədə də Naxçıvanla sərhəddə Zəngəzur dəhlizinə birləşəcək Qars-Iğdır-Aralıq-Dilucu dəmiryol xəttinin təməli qoyulub.
Onun sözlərinə görə, ADY sərnişindaşıma xidmətinin təkmilləşdirilməsi, xidmət keyfiyyətinin artırılması, səyahət coğrafiyasının genişləndirilməsi üçün əsaslı işlər görür: "Ötən il daha müasir və sürətli yataq tipli qatarla Bakı-Balakən-Bakı marşrutunu bərpa etmişik. Bakıdan Şəki, Qax, Zaqatala və Balakənə və əks istiqamətlərdə hər gün səfərlər təşkil olunur”.
N. Quliyev qeyd edib ki, ölkə daxili səyahət coğrafiyasını genişləndirmək üçün Bakı-Ağstafa xətti Qazaxa qədər uzadılıb və bu xətlə ilk dəfə sürətli “Stadler” qatarları hərəkətə başlayıb.
Demokrat.az xəbər verir ki, bunu "Azərbaycan Dəmir Yolları" (ADY) QSC-nin sədrinin müavini Nicat Quliyev Bakı-Ağdam qatarının fəaliyyətə başlaması münasibətilə keçirilən tədbirdə bildirib.
Onun sözlərinə görə , Horadiz-Ağbənd dəmir yolu xəttinin layihələndirilmə işlərinin 84 faizi, tikinti-quraşdırma işlərinin isə 67 faizi yekunlaşıb: "Hazırda xəttin 75-106 kilometrlik hissəsində torpaq işləri və mühəndis qurğularının inşası aparılır. Layihə çərçivəsində Yuxarı Mərcanlı, Şükürbəyli, Soltanlı, Qumlaq, Həkəri, Mincivan, Bartaz və Ağbənd stansiyalarının tikintisi nəzərdə tutulur. Körpülər, avtomobil keçidləri, tunellər, qalereyalar və istinad divarları daxil olmaqla, ümumilikdə 553 mühəndis qurğusunun tikintisi həyata keçiriləcək".
ADY sədrinin müavini qeyd edib ki, Horadiz-Ağbənd xəttinin tikintisini tez bir zamanda tamamlanması və Ermənistan sərhədinə çatdırılması üçün işlər görülür. Artıq Türkiyədə də Naxçıvanla sərhəddə Zəngəzur dəhlizinə birləşəcək Qars-Iğdır-Aralıq-Dilucu dəmiryol xəttinin təməli qoyulub.
Onun sözlərinə görə, ADY sərnişindaşıma xidmətinin təkmilləşdirilməsi, xidmət keyfiyyətinin artırılması, səyahət coğrafiyasının genişləndirilməsi üçün əsaslı işlər görür: "Ötən il daha müasir və sürətli yataq tipli qatarla Bakı-Balakən-Bakı marşrutunu bərpa etmişik. Bakıdan Şəki, Qax, Zaqatala və Balakənə və əks istiqamətlərdə hər gün səfərlər təşkil olunur”.
N. Quliyev qeyd edib ki, ölkə daxili səyahət coğrafiyasını genişləndirmək üçün Bakı-Ağstafa xətti Qazaxa qədər uzadılıb və bu xətlə ilk dəfə sürətli “Stadler” qatarları hərəkətə başlayıb.
